శ్రీమంతులు ఫ్యాన్స్ కి కూడా గిఫ్ట్ ఇచ్చేశాడు

శ్రీమంతుడి సినిమాతో తన సత్తా ఏమిటో చాటిన ప్రిన్స్ మహేష్ బాబు.. తాజాగా తన అభిమానులకు తీపి బహుమతిని అందించారు. శ్రీమంతుడి సినిమా తర్వాత.. ఏపీ.. తెలంగాణలో రెండు చోట్ల గ్రామాల్ని దత్తత తీసుకున్న ఆయన.. అభిమానులతో పాటు అందరి మనసును దోచుకున్నాడు.

సూపర్ డూపర్ హిట్ అయిన శ్రీమంతుడి సినిమా పాటల్ని తాజాగా ఆయన తన ట్విట్టర్ అకౌంట్ లో పోస్ట్ చేశాడు. చిత్రంలోని పూర్తి నిడివి ఉన్న వీడియో సాంగ్స్ ని తన అకౌంట్ ద్వారా విడుదల చేసిన మహేష్ .. అభిమానులకు తీపి బహుమతిని ఇచ్చారని చెప్పొచ్చు. ట్విట్టర్ అకౌంటర్ ద్వారా ఒక స్టార్ తన సినిమా వీడియో సాంగ్స్ ను విడుదల చేయటం ఇదే తొలిసారిగా చెబుతున్నారు. ఎవరి మనసుల్ని ఎలా దోచుకోవాలో శ్రీమంతుడికి బాగానే అర్థమైనట్లుందే.