అందరూ మోసగాళ్లే : మంచు విష్ణు

డైనమిక్ హీరో మంచు విష్ణు నటిస్తున్న లేటెస్ట్ యాక్షన్ ఎంటర్టైనర్ ''మోసగాళ్ళు'' ఈ నెల 19న ప్రేక్షకుల ముందుకు రానుంది. ఈ నేపథ్యంలో ప్రమోషన్స్ మీద దృష్టి పెట్టిన విష్ణు.. ఇంతకముందు చేయని విధంగా సినిమాని ప్రమోట్ చేస్తున్నారు. ఈ క్రమంలో ఇటీవల ఓ ఛానల్ కి ఇచ్చిన ఓ ఇంటర్వ్యూలో చిత్ర విశేషాలను తెలియజేశాడు. ''మోసగాళ్ళు చిత్రంలో సునీల్ శెట్టి తప్ప అందరూ మోసగాళ్లే. స్లమ్స్ నుంచి వచ్చిన అక్కాతమ్ముడు అమెరికన్స్ సైతం మోసం చేసి 2800 కోట్ల స్కామ్ చేసి ఎలా తప్పించుకున్నారు అనేది ఇంట్రెస్టింగ్ గా ఉంటుంది. వాస్తవ సంఘటనల ఆధారంగా రూపొందించాం. ఫస్ట్ టైం నెగెటివ్ షేడ్స్ తో వెళ్తూ ఉండే క్యారక్టర్ పోషించాను'' అని చెప్పుకొచ్చాడు.

ఫెయిల్యూర్ భయం అందరికీ ఉంటుందని.. అలానే సినిమా రిలీజ్ కి ముందు తనకు చాలా యాన్గ్జైటీగా ఉంటుందని విష్ణు అన్నారు. మార్చి 19న వేరే సినిమాలు రిలీజ్ అవడం గురించి మాట్లాడుతూ.. 'కాంపిటీషన్ ఉంటడం మంచిదే. ఒక రేస్ కి వెళ్తే ఫస్ట్ ప్రైజ్ వచ్చిందో సెకండ్ ప్రైజ్ వచ్చిందో తెలియాలి కదా' అని చెప్పుకొచ్చారు. కాగా, 'మోసగాళ్ళు' చిత్రంలో విష్ణు అక్కగా కాజల్ అగర్వాల్ నటించగా.. పవర్ ఫుల్ పోలీస్ ఆఫీసర్ పాత్రలో బాలీవుడ్ నటుడు సునీల్ శెట్టి నటించారు. రుహీ సింగ్ - నవీన్ చంద్ర - నవదీప్ ఇతర ముఖ్య పాత్ర పోషించారు. హాలీవుడ్ డైరెక్టర్ జెఫ్రీ గీ చిన్ ఈ చిత్రానికి దర్శకత్వం వహించాడు. ఏవీఏ ఎంటర్‌టైన్మెంట్ మరియు 24 ఫ్రేమ్స్ ఫ్యాక్టరీ బ్యానర్లపై మంచు విష్ణు ఈ మూవీని భారీ బడ్జెట్ తో నిర్మించారు.  పాన్ ఇండియా లెవల్ లో తెలుగు తమిళం మలయాళం కన్నడ హిందీ భాషలలో ఈ సినిమాని విడుదల చేయనున్నారు.