న‌ర్గీస్ ఫ‌క్రి వెళ్లిపోయింది అందుక్కాద‌ట‌..

ఓ ప‌క్క అజ‌హ‌ర్ సినిమా రిలీజ‌వుతోంది.. మ‌రోప‌క్క హౌస్ ఫుల్-3 కూడా రేసులో ఉంది. ఈ రెండు సినిమాల్లోనూ న‌ర్గీస్ ఫ‌క్రిది కీల‌క పాత్ర‌. ఐతే ఆమె మాత్రం ఈ సినిమాల ప్ర‌మోష‌న్ల‌లో క‌నిపించ‌ట్లేదు. కొన్ని రోజుల కింద‌ట చెప్పాప‌ట్ట‌కుండా ఆమె ఫారిన్ చెక్కేసింది. దీనికి కార‌ణాలేంటో తెలియ‌లేదు. ప్రియుడు ఉద‌య్ చోప్రా పెళ్లికి నిరాక‌రించ‌డంతో అలిగి ఆమె ఫారిన్ చెక్కేసిన‌ట్లు వార్త‌లొచ్చాయి.

తనపై వచ్చిన రూమర్లకు ఫక్రీ ఫుల్ స్టాప్ పెట్టింది. ఆరోగ్య కారణాలతోనే విదేశాలకు వెళ్లినట్టు ఆమె వెల్లడించింది. ఏడాది కాలంగా వ‌రుస‌గా మూడు సినిమాల కోసం తీరిక లేకుండా న‌టించ‌డంతో ఫ‌క్రి అల‌సిపోయింద‌ని.. అందుకే విశ్రాంతి తీసుకోవ‌డం కోసం విదేశాల‌కు వెళ్లింద‌ని ఆమె మేనేజ‌ర్ తెలిపాడు. ఉదయ్ చోప్రా పెళ్లికి నిరాకరించడంతో అలిగి విదేశాలకు వెళ్లిపోయినట్టు వచ్చిన వార్తల్లో నిజం లేదని అత‌న‌న్నాడు.

విశ్రాంతి లేకుండా షూటింగుల్లో పాల్గొన‌డం వ‌ల్ల న‌ర్గీస్ ఆరోగ్యం దెబ్బ తింద‌ని.. గాయంతో బాధ‌ప‌డుతూ అజ‌హ‌ర్ ప్ర‌మోష‌న్ల‌లో పాల్గొంద‌ని ఆమె మేనేజ‌ర్ వెల్ల‌డించాడు. 'హౌస్ ఫుల్-3' నిర్మాత సాజిద్ నదియావాలా అనుమతి తీసుకున్నాక న‌ర్గీస్ నూయార్క్ కు వెళ్లిన‌ట్లు అత‌ను తెలిపాడు.  నెల రోజులు పాటు నర్గీస్ ఫక్రీ విశ్రాంతి తీసుకుంటుందన్నాడు. త‌న గురించి లేని పోని రూమ‌ర్లు పుట్టించ‌వ‌ద్ద‌ని కోరాడు.టీమ్ ఇండియా మాజీ కెప్టెన్ అజ‌హ‌రుద్దీన్ జీవితం ఆధారంగా తెర‌కెక్కిన అజ‌హ‌ర్ సినిమాలో ఆమె సంగీతా బిజిలానీ పాత్ర పోషించింది. ఈ సినిమా ఈ రోజే ప్రేక్ష‌కుల ముందుకొచ్చింది.