పుష్ప‌రాజ్ ని ఇబ్బంది పెడుతున్న నేష‌న‌ల్ క్ర‌ష్

అందాల క‌థానాయిక ర‌ష్మిక మంద‌న్న ఇటు తెలుగు అటు హిందీ చిత్ర‌సీమ‌ల్లో బిజీగా ఉన్న సంగ‌తి తెలిసిందే. ఈ బ్యూటీ ఏప్రిల్ 5న‌ తన పుట్టినరోజు జరుపుకోగా.. అభిమానులు చిత్ర పరిశ్రమ సహచరులు పుట్టిన‌రోజు శుభాకాంక్ష‌ల‌తో ఉక్కిరి బిక్కిరి చేశారు. పుష్ప సహనటుడు అల్లు అర్జున్ కూడా ట్విట్టర్ లో హృదయపూర్వక శుభాకాంక్షలు తెలిపారు.

``నా స్వీట్ రష్మికకు చాలా సంతోషకరమైన ఈ దినం మీకు గ్రేట్ డే కావాలని కోరుకుంటున్నాను. రానున్న‌వి సుందరమైన సంవత్సరాలు. మీకు కావలసినదంతా మీరు సాధించగలరు``అని ప్రేమ‌పూర్వ‌కంగా స్టైలిష్ స్టార్ ట్వీట్ చేశారు. పుష్పరాజ్ కి కృతజ్ఞతలు చెప్పిన‌ రష్మిక తనకు బహుమతి కావాలని తాను పుష్పా సెట్స్ లోకి తిరిగి వచ్చినప్పుడు తనతో కేక్ కట్ చేయాల‌ని ఇబ్బంది పెట్టబోతోందిట‌.

దానికి స‌రే అన్న బ‌న్ని త్వరలో  సెట్స్ లో కలుద్దాం అని రిప్ల‌య్ ఇచ్చారు. రష్మిక ప్రస్తుతం అమితాబ్ బచ్చన్ ‌తో కలిసి తన రెండవ బాలీవుడ్ ప్రాజెక్ట్ గుడ్ బాయ్ షూటింగ్ లో బిజీగా ఉంది. సిద్ధార్థ్ మ‌ల్హోత్రా స‌ర‌స‌న మిష‌న్ మంజు అనే చిత్రంలోనూ నేష‌న‌ల్ క్ర‌ష్ ర‌ష్మిక‌ న‌టిస్తున్న సంగ‌తి తెలిసిన‌దే.