ఆ రీమేక్ సంగతేంటి నితిన్?

ప్రస్తుతం చేతినిండా సినిమాలతో బిజీ బిజీగా గడిపేస్తున్న నితిన్ ఇటివలే బాలీవుడ్ సినిమా 'అంధదూన్' తెలుగు రీమేక్ రైట్స్ తీసుకున్న విషయం తెలిసిందే. ఆ మధ్య రెండు మూడు రోజులు నితిన్ ఆ సినిమాను ఇమిడియట్లీ రీమేక్ చేస్తాడనే వార్త చక్కర్లు కొట్టింది. కట్ చేస్తే నితిన్ తన పని తను చేస్తూ వెళ్తున్నాడు. ఎక్కడా గ్యాప్ ఇవ్వకుండా ఒక సినిమా తర్వాత ఒకటి పెట్టి వరుసగా మూడు సినిమాలు చేస్తున్నాడు.

వీటితో పాటు అనౌన్స్ చేసిన కృష్ణ చైతన్య సినిమా పెండింగ్ లో ఉంది. ఆ సినిమాకు సంబంధించి స్క్రిప్ట్ రెడీ గా ఉంది. నితిన్ అనుకోవడమే ఆలస్యం సినిమా మొదలవుతుంది. సొంత బ్యానర్ లోనే ఆ సినిమా చేయనున్నాడు.

అయితే ఇన్ని సినిమాల మధ్య నితిన్ ఆ రీమేక్ సినిమాను ఎప్పుడు స్టార్ట్ చేస్తాడు.. ఎవరితో చేస్తాడు అసలు చేస్తాడా లేదా అన్నది ఇప్పుడు చర్చనీయాంశం అయింది. ఒక వేళ నితిన్ ఈ సినిమాను ప్రొడ్యూస్ చేసి వేరే హీరోతో చేసే ప్లాన్ లో ఉన్నడా అనే అనుమానాలు కూడా కలుగుతున్నాయి. ఏదేమైనా నితిన్ నుండి ఈ రీమేక్ కి సంబంధించి ఓ అప్డేట్ వచ్చే వరకూ ఏమి చెప్పలేని పరిస్థితి. మరి నితిన్ నుండి అప్డేట్ ఎప్పుడొస్తుందో..?