పరుచూరి మురళి గుర్తున్నాడా..? ఎం.ఎస్.రాజు నిర్మాణంలో ‘నీ స్నేహం’ సినిమా తీసి.. ఆ తర్వాత పెదబాబు, ఆంధ్రుడు లాంటి సినిమాలతో పర్వాలేదనిపించి.. ఆపై ‘రెచ్చిపో’ - ‘అధినాయకుడు’ లాంటి ఫ్లాపులిచ్చాడు. చివరగా అతను సినిమా తీసింది బాలయ్యతోనే. అదే.. అధినాయకుడు. మురళి ట్రాక్ రికార్డు గురించి పట్టించుకోకుండా బాలయ్య లాంటి పెద్ద హీరో అవకాశమిస్తే దాన్ని సద్వినియోగం చేసుకోలేకపోయాడతను. ‘అధినాయకుడు’ తర్వాత ఐదేళ్లకు పైగా గ్యాప్ తీసుకున్న మురళి.. ఎట్టకేలకు మళ్లీ మెగా ఫోన్ పడుతున్నాడు. నారా రోహిత్ హీరోగా మురళి తన తర్వాతి సినిమాను రూపొందిస్తుండటం విశేషం.
విరామం లేకుండా వరుసబెట్టి సినిమాలు చేయడం అలవాటైన నారా రోహిత్.. ప్రస్తుతం మూణ్నాలుగు కొత్త సినిమాలు కమిటై ఉండటం విశేషం. త్వరలోనే ‘బాలకృష్ణుడు’తో పలకరించబోతున్న రోహిత్.. ‘బాణం’ దర్శకుడు చైతన్య దంతులూరితో ఓ సినిమా.. ‘సావిత్రి’ డైరెక్టర్ పవన్ సాధినేనితో మరో సినిమా ఒప్పుకున్నాడు. ఐతే వీటి కంటే ముందే పరుచూరి మురళి సినిమాను మొదలుపెట్టేస్తుండటం విశేషం. ఈ చిత్రంలో సీనియర్ నటుడు జగపతిబాబు ఓ కీలక పాత్ర చేయనున్నట్లు సమాచారం. రోహిత్-జగపతి కాంబినేషన్లో తెరకెక్కబోయే తొలి సినిమా ఇదే. ఫ్రెండ్స్ మూవీ క్రియేషన్స్ బేనర్ మీద ఈ చిత్రం తెరకెక్కనుంది. బుధవారమే ఈ చిత్రం ప్రారంభోత్సవం జరుపుకుంటుంది.
విరామం లేకుండా వరుసబెట్టి సినిమాలు చేయడం అలవాటైన నారా రోహిత్.. ప్రస్తుతం మూణ్నాలుగు కొత్త సినిమాలు కమిటై ఉండటం విశేషం. త్వరలోనే ‘బాలకృష్ణుడు’తో పలకరించబోతున్న రోహిత్.. ‘బాణం’ దర్శకుడు చైతన్య దంతులూరితో ఓ సినిమా.. ‘సావిత్రి’ డైరెక్టర్ పవన్ సాధినేనితో మరో సినిమా ఒప్పుకున్నాడు. ఐతే వీటి కంటే ముందే పరుచూరి మురళి సినిమాను మొదలుపెట్టేస్తుండటం విశేషం. ఈ చిత్రంలో సీనియర్ నటుడు జగపతిబాబు ఓ కీలక పాత్ర చేయనున్నట్లు సమాచారం. రోహిత్-జగపతి కాంబినేషన్లో తెరకెక్కబోయే తొలి సినిమా ఇదే. ఫ్రెండ్స్ మూవీ క్రియేషన్స్ బేనర్ మీద ఈ చిత్రం తెరకెక్కనుంది. బుధవారమే ఈ చిత్రం ప్రారంభోత్సవం జరుపుకుంటుంది.