బుట్టబొమ్మ నెంబ‌ర్ వ‌న్ కాద‌నే అనుకోవాలా..?

రోజుకో కొత్త హీరోయిన్ ఇంట్రడ్యూస్ అవుతున్న సినీ ఇండస్ట్రీలో నిలదొక్కుకోవడం అంత ఈజీ కాదు. మేల్ డామినేషన్ ఉన్న ఇండస్ట్రీలో వరుస హిట్స్ అందుకుని స్టార్ స్టేటస్ దక్కించుకున్నా.. అది ఉండేది కొంతకాలం మాత్రమే. ఈ క్రమంలో రేసులోకి ఎంతో మంది హీరోయిన్లు వచ్చి పోతుంటారు. ఇది పక్కన పెడితే టాలీవుడ్ లో స్టార్ హీరోయిన్స్ లిస్ట్ లో ఉన్న వారిలో పూజా హెగ్డే ఒకరు. 'ఒక లైలా కోసం' సినిమాతో తెలుగు తెరకు పరిచమైన ఈ బ్యూటీ.. 'డీజే' సినిమాతో సక్సెస్ అందుకుంది. 'మహర్షి' 'అల వైకుంఠపురంలో' వంటి సినిమాలతో ఈ బుట్టబొమ్మ క్రేజీ హీరోయిన్ గా మారిపోయింది. ఈ నేపథ్యంలో పూజా టాలీవుడ్ లో నెంబ‌ర్ వ‌న్ హీరోయిన్ అంటూ కొంత మంది అభివ‌ర్ణిస్తున్నారు.

పూజాహెగ్డే ప్రస్తుతం తెలుగులో యంగ్ రెబల్ స్టార్ ప్రభాస్ తో కలిసి 'రాధేశ్యామ్'.. అక్కినేని అఖిల్ సరసన 'మోస్ట్ ఎలిజిబుల్ బ్యాచిలర్' సినిమాల్లో నటిస్తోంది. ఇప్పటికే ఈ రెండు సినిమాలలో పూజా తన పాత్రలకు సంబంధించిన షూటింగ్ కూడా పూర్తి చేసింది. అయితే వీటి తర్వాత పూజా చేతిలో మరో తెలుగు సినిమా లేదు. నెంబ‌ర్ వ‌న్ హీరో ఎక్కువ సినిమాలు చేయ‌క‌పోతే గొప్ప అని.. మ‌రి అదే నెంబ‌ర్ వ‌న్ హీరోయిన్ అంటే చేతినిండా ప్రాజెక్ట్స్ తో రెండేళ్ల పాటు ఆమె డేట్స్ కోసం అంతా ఆరాట ప‌డాలని అంటుంటారు. కానీ ఇప్పుడు పూజా చేతిలో రెండు బాలీవుడ్ సినిమాలు చేతిలో ఉన్నప్పటికీ తెలుగులో ఒక్క సినిమా కూడా లేదు. అంటే బుట్టబొమ్మ నెంబ‌ర్ వ‌న్ కాద‌నే అనుకోవాలా అని ఫిలిం సర్కిల్స్ లో కామెంట్స్ వినిపిస్తున్నాయి.