త‌న‌మీదే తానే పంచ్ లు వేసుకున్నాడుగా

యాంగ్రీ స్టార్ రాజశేఖ‌ర్ - గ‌రుడ‌వేగతో క‌మ్ బ్యాక్ అయిపోయాడు - దీంతో ఫుల్ స్వింగ్ లో ఉన్న రాజశేఖ‌ర్ గ‌రుడ‌వేగ త‌ర‌హా యాక్ష‌న్ థ్రిల్ల‌ర్ స్టోరీల‌కే ఓటు వేస్తున్నాడు. ఈ నేప‌థ్యంలో క‌ల్కి అనే సినిమా రాజశేఖ‌ర్ నుంచి త్వ‌ర‌లోనే విడుద‌ల కాబోతుంది. ప్ర‌స్తుతం పోస్ట్ ప్రొడ‌క్షన్ కార్య‌క్ర‌మాల్లో ఉన్న క‌ల్కి యూనిట్ తాజాగా ఓ క‌మర్షీయ‌ల్ ట్రైలర్  ని విడుద‌ల చేసింది. మ‌హేశ్ బాబు మ‌హ‌ర్షీ సినిమాల‌తో విడుద‌లైన ఈ ట్రైలర్  కి ఆడియెన్స్ బాగానే క‌నెక్ట్ అవుతున్నారు. ఎందుకంటే ఈ టీజ‌ర్ లో రాజశేఖ‌ర్ తన పై తాను వేసుకున్న పంచ్ లే కార‌ణంగా క‌నిపిస్తున్నాయి. ఏం చెబితిరి అంటూ రాజశేఖ‌ర్ ని ఈ మ‌ధ్య ప్ర‌తి మిమిక్రి ఆర్టిస్ట్ నుంచి జ‌బ‌ర‌స్థ్ త‌దిత‌ర కామెడీ షోల‌లో తెగ పేర‌డీలు చేస్తున్నారు - ఈ ప‌దం రాజ‌శేఖ‌ర్ కి ఓ బ్రాండ్ డైలాగ్ లా అయిపోయింది.

అయితే ఈ పేర‌డీల‌కి చాలా స్మార్ట్ గా త‌న క‌ల్కి టీజర్ తో రిప్లై ఇచ్చాడు రాజ‌శేఖ‌ర్ - ఏం చెబితిరి ఏం చెబితిరి అని తన‌కు తానే డైలాగ్ చెపుకుని సెల్ఫ్ పంచ్ వేసుకున్నాడు. ఈ డైలాగ్ తో క‌ల్కి లో యాక్ష‌న్ డ్రామాతో పాటు కాస్త కామెడీ ఉంద‌నే విష‌యం అర్ధ‌మ‌వుతుంది. ఆ సినిమాతో విమ‌ర్శ‌కుల ప్ర‌శంస‌లు అందుకున్న ప్ర‌శాంత్ వ‌ర్మ ఈ సినిమాను డైరెక్ట్ చేస్తున్నాడు. టీజ‌ర్ ని చూస్తే ఇదో సోషియో ఫాంట‌సీ యాక్ష‌న్ థ్రిల్ల‌ర్ గా అనిపిస్తోంది.చివ‌రిగా ఈ టీజ‌ర్ లో గ‌బ్బ‌ర్ సింగ్ గ్యాంగ్ లో రాజశేఖ‌ర్ ఇమిటేట్ చేసిన ఆర్టిస్ట్(రాజశేఖ‌ర్ డూప్) చేసిన డాన్స్ స్టెప్స్ తాను కూడా ఇమిటేట్ చేయడం చూసేవాళ్ల‌కి న‌వ్వు తెప్పించక మాన‌దు. రాజ‌శేఖ‌ర్ ఈ సినిమాలో ఓ పోలిస్ ఆఫీసర్ గా న‌టిస్తున్నాడు. రాజ‌శేఖ‌ర్ స‌ర‌స‌న నందిత శ్వేత‌ - అదా శ‌ర్మ హీరోయిన్లుగా న‌టిస్తున్నారు.