ఎన్టీఆర్, రకుల్ కెమిస్ట్రీ కేక

ఇప్పుడు తెలుగు రాష్ట్రాల్లో హాట్ టాపిక్ ఏది అని ప్రశ్నిస్తే వచ్చే సమాధానం.. జూనియర్ ఎన్టీఆర్ సినిమా గురించే. సంక్రాంతి పండుగతో సమానంగా.. నాన్నకు ప్రేమతో చిత్రం కోసం ఫ్యాన్స్ వెయింటింగ్ చేస్తున్నారు. ఇంకా చెప్పాలంటే.. యంగ్ టైగర్ ఫ్యాన్స్ కి కొత్త ఫీవర్ వచ్చేసింది.

శరవేగంగా పోస్ట్ ప్రొడక్షన్ పనులు చేసుకుంటున్న నాన్నకు ప్రేమతో కోసం.. రీసెంట్ గా ఓ ఫాస్ట్ బీట్ సాంగ్ ని షూట్ చేశారు. అసలే స్టెప్పులు వేయడంలో ఎన్టీవోడు ఇరగదీసేస్తాడు. మరి ఇలాంటోడికి పక్కన రకుల్ ప్రీత్ లాంటి చక్కని చుక్క.. అందులోనూ డ్యాన్సులు ఇరగదీసే ముద్దుగుమ్మ దొరికితే వదులుతాడా? తన ఆటపాటతో అల్లాడించడూ. అన్నపూర్ణ స్టూడియోలో అదే జరిగింది. ఎన్టీఆర్ - రకుల్ కలిసి.. దేవిశ్రీ కంపోజ్ చేసిన ఓ పాటకు భారీ సెట్ లో సూపర్బ్ డ్యాన్సులతో చిందేశారు. ఒకవైపు ఎన్టీఆర్ స్టెప్పులు.. మరోవైపు రకుల్ గ్లామర్.. రెండూ కలిసి స్క్రీన్ నిండుగా ఉండడం ఖాయంగా కనిపిస్తోంది.

రకుల్ కి ఇలా లాస్ట్ మినిట్ సాంగుల్లో మంచి ఎక్స్ పీరియన్స్ ఉంది. బ్రూస్ లీ విషయంలో కూడా.. ఇలాగే టైటిల్ సాంగ్ కోసం ఆఖరి రోజుల్లోనే బాగా కష్టపడింది. అందులోనూ చెర్రీ స్టెప్స్ కి రకుల్ ప్రీత్ గ్లామర్ స్పెషల్ అట్రాక్షన్. ఇప్పుడు ఎన్టీఆర్ డ్యాన్సులకు రకుల్ అందాలు తోడవుతున్నాయి. అయినా.. రిలీజ్ కి టార్గెట్ సెట్ చేసుకున్న సినిమాలన్నీ వరుసగా రకుల్ కే తగులుతున్నాయి ఎందుకో?