ఎప్పుడెప్పుడా అని ఎదురు చూస్తున్న సినిమా ఎట్టకేలకు విడుదల తేదీ ఖరారు చేసుకుంది. ఏడాదిన్నర కిందట మొదలైన అక్కినేని నాగచైతన్య సినిమా ‘సాహసం శ్వాసగా సాగిపో’ ఇంకో 50 రోజుల్లో ప్రేక్షకుల ముందుకు రాబోతోంది. జులై 15న తెలుగు-తమిళ భాషల్లో ఈ చిత్రాన్ని రిలీజ్ చేయబోతున్నట్లు ప్రకటించాడు దర్శకుడు గౌతమ్ వాసుదేవ మీనన్. ‘సాహసం శ్వాసగా సాగిపో’ను తెలుగులో నిర్మిస్తున్న కోన వెంకట్ అన్నట్లే ఇవాళ గౌతమ్ ఈ సినిమా విడుదల తేదీని ప్రకటించాడు. జూన్ 17న ఆడియో రిలీజ్ చేయబోతున్నట్లు కూడా వెల్లడించాడు. గత ఏడాది దీపావళికే వస్తుందనుకున్న సినిమా ఇది. ఇంత ఆలస్యంగా రాబోతోంది.
ఈ ఆలస్యానికి ప్రధాన కారకుడు శింబునే. తమిళంలో ఈ చిత్రాన్ని శింబు హీరోగానే మొదలుపెట్టాడు గౌతమ్. ఇంతకుముందు ‘ఏమాయ చేసావె’ను కూడా తమిళంలో శింబుతోనే తీసిన గౌతమ్.. ఆ సినిమాకు కొనసాగింపుగా వస్తున్న సినిమాకు కూడా అతణ్నే హీరోగా ఎంచుకున్నాడు. తెలుగు-తమిళ వెర్షన్లు రెండూ ఒకే లొకేషన్లలో సమాంతరంగా షూట్ చేయడం ఇబ్బందిగా మారింది. ఐతే అనేక వివాదాల్లో చిక్కుకున్న శింబు ఈ సినిమా షూటింగుకి సరిగా రాకపోవడంతో చైతూ డేట్లు కూడా చాలా వరకు వేస్టయ్యాయి. గౌతమ్ మీద ఉన్న గౌరవంతో చైతూ సర్దుకుపోయాడు. చాన్నాళ్ల తర్వాత శింబు అందుబాటులోకి రావడంతో ఈ మధ్య క్లైమాక్స్ షూటింగ్ పూర్తి చేశారు. రెండు వెర్షన్లలోనూ మలయాళ భామ మాంజిమా మోహన్ కథానాయికగా నటించిన ఈ సినిమాకు ఎ.ఆర్.రెహమాన్ సంగీత దర్శకుడు.
ఈ ఆలస్యానికి ప్రధాన కారకుడు శింబునే. తమిళంలో ఈ చిత్రాన్ని శింబు హీరోగానే మొదలుపెట్టాడు గౌతమ్. ఇంతకుముందు ‘ఏమాయ చేసావె’ను కూడా తమిళంలో శింబుతోనే తీసిన గౌతమ్.. ఆ సినిమాకు కొనసాగింపుగా వస్తున్న సినిమాకు కూడా అతణ్నే హీరోగా ఎంచుకున్నాడు. తెలుగు-తమిళ వెర్షన్లు రెండూ ఒకే లొకేషన్లలో సమాంతరంగా షూట్ చేయడం ఇబ్బందిగా మారింది. ఐతే అనేక వివాదాల్లో చిక్కుకున్న శింబు ఈ సినిమా షూటింగుకి సరిగా రాకపోవడంతో చైతూ డేట్లు కూడా చాలా వరకు వేస్టయ్యాయి. గౌతమ్ మీద ఉన్న గౌరవంతో చైతూ సర్దుకుపోయాడు. చాన్నాళ్ల తర్వాత శింబు అందుబాటులోకి రావడంతో ఈ మధ్య క్లైమాక్స్ షూటింగ్ పూర్తి చేశారు. రెండు వెర్షన్లలోనూ మలయాళ భామ మాంజిమా మోహన్ కథానాయికగా నటించిన ఈ సినిమాకు ఎ.ఆర్.రెహమాన్ సంగీత దర్శకుడు.