సైనా బ‌యోపిక్ .. చాలా నెర్వ‌స్ ఫీల‌వుతోంద‌ట‌!

ప్ర‌స్తుతం ఏ ఇండ‌స్ట్రీని తీసుకున్నా బ‌యోపిక్ ‌ల సీజ‌న్ న‌డుస్తోంది. ఈ త‌ర‌హా చిత్రాల‌పై ప్రేక్ష‌కులు ప్ర‌త్యేక ఆస‌క్తిని క‌న‌బ‌రుస్తుండ‌టంతో మేక‌ర్స్ కూడా బ‌యోపిక్ ‌‌ల బాట‌ ప‌డుతున్నారు. పైగా ఈ త‌ర‌హా క‌థాంశాల‌తో వ‌చ్చిన చిత్రాల్లో అత్య‌ధిక శాతం బాక్సాఫీస్ వ‌ద్ద భారీ వ‌సూళ్ల‌ని రాబ‌ట్టిన‌వే కావడంతో మ‌రింత మందిలో ఉత్సాహం పెంచుతోంది. దీంతో వ‌రుస‌గా బ‌యోపిక్‌ ల నిర్మాణం చేప‌డుతున్నారు.

బాలీవుడ్ లో స్పోర్ట్స్  నేప‌థ్యంలో బ‌యోపిక్ లు చాలా సెట్స్ పైకొస్టున్నాయి. ఇందులో బ్యాడ్మింట‌న్ స్టార్ సైనా నెహ్వాల్ బ‌యోపిక్ ఒక‌టి. ఇందులో సైనాగా ప‌రినీతి చోప్రా న‌టిస్తోంది. అమోల్ గుప్తా ద‌ర్శ‌క‌త్వం వ‌హిస్తున్నారు. టి సిరీస్ బ్యాన‌ర్ పై భూషణ్‌ కుమార్ ఈ చిత్రాన్ని నిర్మిస్తున్నారు. సైనా పాత్రని ప‌రిణీతి చోప్రా ఓ స‌వాల్ గా స్వీక‌రించి న‌టిస్తోంది. ఇందు కోసం బ్యాడ్మింట‌న్ స్టార్ గా క‌నిపించ‌డానికి క‌ఠోర శిక్ష‌ణ తీసుకుంది కూడా.

ప‌రిణీతి కెరీర్ ‌లో మ‌ర‌పురాని ఫిల్మ్ గా నిలిచేలా ఈమూవీ ఉంటుంద‌ట‌.. ఈ చిత్రానికి సంబంధించిన సాంగ్స్ రికార్డింగ్ మొద‌లైంది. రోచ‌క్ కోహ్లీ- అమాల్ మాలిక్ సంగీతం అందిస్తున్నారు. తాజాగా ప‌రీణీతి సైనా ప్రీలుక్ స్క్రీన్ షాట్ ని షేర్ చేసిన అమాల్ మాలిక్ ఈ సినిమాకు సంబంధించిన మ్యాజిక్ చేస్తున్నామ‌ని ఈ మ్యూజిక్ రోమాంచితంగా వుండ‌బోతోంద‌ని.. మ‌నోజ్ ముంతాషిర్ అద్భుత‌మైన లిరిక్స్ ఇస్తే శ్రేయాస్ ఘోష‌ల్ అంతే అద్భుతంగా పాడింద‌ని ప‌రిణీతి చోప్రా పెర్ఫార్మెన్స్ ‌కి హండ్రెడ్ మార్క్ ప‌డ‌తాయ‌ని ట్వీట్ చేశాడు. ఈ ట్వీట్ ని రిట్వీట్ చేసిన ప‌రిణీతి చాలా నె‌ర్వ‌స్ గా వుంద‌ని పేర్కొంది. ‌