ప్యాడ్ మ్యాన్ సెట్లో మందు పార్టీ!!

నేషనల్ ఫిలిం అవార్డ్. వచ్చేసింది. ఒక బ్రిలింట్ కొత్త కథ. చేస్తున్నాం. సో ఇప్పుడు ఒక బీర్. ఎస్ తాగేద్దాం. అచ్చం ఇదే తరహాలో ఆలోచించారు అక్షయ్ కుమార్ మరియు సోనమ్ కపూర్. ఆ సీనియర్ హీరో మరియు ఈ డస్కీ బ్యూటి మొన్ననే నేషనల్ అవార్డులు అందుకున్నారు. ఈ సందర్భంగా ఒక పార్టీ చేసుకున్నారు. అదే ఇప్పుడు టాక్ ఆఫ్‌ ది టౌన్ అయ్యింది.

'రుస్తుం' సినిమాలోని నటనకుగాను ఉత్తమ నటుడిగా నేషనల్ అవార్డును అందుకున్నాడు అక్షయ్ కుమార్. ఇక ఇదే సంవత్సరానికి ''నీర్జా'' సినిమాలోని నటనకు స్పెషల్ అవార్డ్ అందుకుంది సోనమ్ కపూర్. విశేషం ఏంటంటే ఈ నేషనల్ అవార్డు విన్నింగ్ నటులిద్దరూ కలసి ఇప్పుడు ''ప్యాడ్ మ్యాన్'' అనే సినిమాను చేస్తున్నారు. బల్కీ డైరక్షన్లో రూపొందుతున్న ఒక శానిటరీ న్యాప్కిన్స్ తయారీదారుడి కథే ఈ సినిమా. అందుకే ఈ సినిమా యునిట్ కు నేషనల్ అవార్డు అందుకోగానే పెద్ద పార్టీ ఇచ్చారు. బయటకు చాంపేన్ బాటిల్స్ కనిపిస్తున్నాయి కాని.. లోపల మాత్రం బీర్లు పొంగించారట. అసలే వేసవి కావడంతో.. వీరిచ్చిన బీరు పార్టీ యనిట్ ను ఫుల్ హ్యాపీ చేసిందట. అది సంగతి.

ఇకపోతే అక్షయ్ కు మరియు సోనమ్ కు ఈ అవార్డు రావడం వెనుక కూడా అనేక సెటైర్లు పడుతున్న సంగతి తెలిసిందే. అదే ఏడాది ఉత్తమ నటనను కనబరిచిన చాలామందిని వదలిపెట్టి వీరికి అవార్డును ఇవ్వడం ఏంటనేది విమర్శకుల ప్రశ్న. ఇకపోతే ఇవన్నీ పట్టించుకోనన్నాడు అక్షయ్. సోనమ్ కూడా అదే చెప్పిందిలే.

Like Us on Facebook : https://www.facebook.com/Tupakidotcom/