సన్నీని దించుతున్న క్రియేటివ్ డైరెక్టర్

క్రియేటివ్ డైరెక్టర్ అంటూ గుర్తింపు పొందిన కృష్ణవంశీకి.. ఆయన స్థాయి విజయం దక్కి చాలాకాలమే అయింది. వరుస ఫ్లాప్స్ తో ఇబ్బందిపడ్డ ఈ దర్శకుడికి.. రామ్ చరణ్ తో తీసిన గోవిందుడు అందరివాడే ఓ మోస్తరు హిట్ సాధించడం ఊపిరినిచ్చింది. ఆ ఉత్సాహంతో నక్షత్రం మూవీని మొదలుపెట్టిన కృష్ణవంశీ.. అదే స్పీడ్ లో విడుదల చేయడంలో విఫలం అయ్యాడు.

నక్షత్రం ను ఇప్పుడు రిలీజ్ కు రెడీ చేస్తున్న దర్శకుడు.. స్పెషల్ సాంగ్ ను మరింత స్పెషల్ గా చిత్రీకరించనున్నాడని ఇప్పటికే తెలిసిన విషయమే. ఓ స్టార్ తో ఈ పాటను తెరకెక్కిస్తారని చెప్పగా.. ఇప్పుడీ సాంగ్ కోసం పోర్న్ స్టార్ నుంచి బాలీవుడ్ బ్యూటీగా మారిన సన్నీ లియోన్ ను దించాలని చూస్తున్నారట. సన్నీ లియోన్ తో ఇప్పటికే సంప్రదింపులు జరగగా.. ఓ హాట్ సాంగ్ కు చిందులు వేసేందుకు సన్నీ నుంచి ఇంకా గ్రీన్ సిగ్నల్ రావాల్సి ఉంది. సన్నీ లియోన్ ను కూడా ఓ ఆప్షన్ గా చూస్తున్నామని.. అయితే.. ఇంకా ఫైనలైజ్ చేయలేదని అంటోంది నక్షత్రం యూనిట్.

తెలుగులో కరెంట్ తీగ చిత్రంలో మొదటగా కనిపించిన సన్నీ లియోన్.. ప్రస్తుతం రాజశేఖర్ మూవీ పీఎస్వీ గరుడవేగలో ఐటెంసాంగ్ చేస్తోంది. ఇప్పుడు నక్షత్రంలో కూడా ఇదే టైప్ సాంగ్ కు ఒప్పుకుందంటే.. టాలీవుడ్ స్క్రీన్ సన్నీ అందాలతో వేడెక్కిపోవడం ఖాయం.

Like Us on Facebook : https://www.facebook.com/Tupakidotcom/