లైంగిక వేధింపులపై తాప్సీ కూడా...

దేశమంతా చిన్నపిల్లలపై లైంగిక వేధింపులు ఎక్కువైపోతున్న నేపథ్యంలో.. ఇప్పుడు హైదరాబాద్ పోలీసులు కొన్ని ప్రత్యేక చర్యలు తీసుకోబోతున్నారు. గత కొంతకాలంగా హైదరాబాద్ ఠానాల్లో ఈ లైంగిక వేధింపుల కేసుల లిస్టును చూసిన ఖంగుతిని.. ఇప్పుడు చైల్డ్ ఎబ్యూజ్ పైన జనాల్లో అవగాహన పెంచేందుకు కొన్ని షార్ట్ ఫిలింస్ తీయిస్తున్నారు మన ఖాకీలు.

విషి టెకీ అనే దర్శకుడు తీస్తున్న ఈ షార్ట్ ఫిలింస్ ను హైదరాబాద్ లోని అన్ని ధియేటర్లలో ప్రదర్శిస్తారు. తెలుగు.. ఇంగ్లీష్‌.. హిందీలో ఉండే ఈ షార్ట్ ఫిలింస్ నిడివి 2 నిమిషాలు ఉంటుంది. ఇక ఈ విషయం తెలుసుకున్న హీరోయిన్ తాప్సీ పన్ను.. అవకాశం కల్పిస్తే తాను కూడా అందులో ఒక భాగం అవుతానని చెప్పుకొచ్చింది. దానితో వెంటనే ఆమెను వాయిస్ ఓవర్ ఇవ్వడానికి.. అలాగే షార్ట్ ఫిలింలో ఒక చిన్న క్యామియో చేయడానికి రిక్వెస్ట్ చేయడంతో.. టకీమని ఓకె చెప్పేసింది. ఒక మంచి చేస్తున్నప్పుడు నేను అందులో తప్పకుండా భాగం అవుతాను అంటోంది తాప్సీ.

బాలలపై జరుగుతున్న ఆకృత్యాలపై ఇలా తాప్సీ కూడా పోరాడటం ఆమె ఫ్రెండ్స్ కే కాదు ఫ్యాన్స్ కు కూడా ఎంతో ఆనందాన్ని ఇస్తోంది. ఇక సినిమా విషయానికొస్తే.. తాప్సీ నటించిన నామ్ షబానా సినిమా నిన్ననే రిలీజైంది. కాకపోతే సినిమాలో పెద్దగా జ్యూస్ లేకపోవడంతో.. ఈ సమ్మర్ లో ఈ సరుకు సేల్ అవ్వకపోవచ్చు అంటున్నారు సినిమా ఎక్సపర్టులు.


Like Us on Facebook : https://www.facebook.com/Tupakidotcom/