అఖిల్ టీమ్ సీసీఎల్ ర‌చ్చ‌

అక్కినేని బుల్లోడు అఖిల్ వ‌రుస‌గా మూడు సినిమాల్లో న‌టించాడు. న‌టుడిగా ఎక్క‌డా ఫెయిల్ కాలేదు. మంచి డ్యాన్స‌ర్ గా ముద్ర వేశాడు. ఫైట్స్ లోనూ స్పార్క్ ఉంద‌న్న ప్ర‌శంస‌లు వ‌చ్చాయి. అయితే అన్నీ ఉన్నా కానీ..!! అన్న చందంగా బాక్సాఫీస్ స‌క్సెస్ మాత్రం ముఖం చాటేయ‌డం అక్కినేని అభిమానుల‌కు బాధ క‌లిగింది. అఖిల్ మంచి పెర్ఫామ‌ర్ అయినా కానీ ఎందుక‌నో అదృష్టం క‌లిసిరాలేదు. అయితే కింగ్ నాగార్జున సైతం ఆరంభం ఎన్నో వైఫ‌ల్యాల త‌ర్వాత నాలుగో సినిమాతో హిట్ కొట్టి కెరీర్ ప‌రంగా టేకాఫ్ అయ్యారు. బ‌హుశా అఖిల్ విషయంలో అలాంటిదేదో మాయ జ‌ర‌గ‌నుందేమో వేచి చూడాల‌ని అభిమానులు భావిస్తున్నారు.

అఖిల్,  హ‌లో, మిస్ట‌ర్ మ‌జ్ను చిత్రాల త‌ర్వాత అత‌డి స్టెప్ ఎటువైపో అర్థం కావ‌డం లేదు. అగ్ర ద‌ర్శ‌కుల‌తో సినిమా చేస్తాడ‌ని ఓ మాట వినిపిస్తుంటే, లేదు గీతా ఆర్ట్స్ లో సినిమా చేస్తాడంటూ మాటా మంతీ సాగుతోంది. ప‌ర‌శురామ్, భాస్క‌ర్ వంటి ద‌ర్శ‌కులు అఖిల్ కి క‌థ వినిపించార‌ని, గీతా ఆర్ట్స్ లో ఫిట్టింగ్ చేస్తున్నార‌ని వార్త‌లొచ్చాయి. ఇక కెరీర్ మాట అటుంచితే అఖిల్ కి క్రికెట్ పిచ్చి అన్న సంగ‌తి తెలిసిందే. అత‌డు ప్రొఫెష‌న‌ల్ ప్లేయ‌ర్. అందుకోసం శిక్ష‌ణ కూడా తీసుకున్నాడు. అందుకే సీసీఎల్ టోర్నీల్లో తెలుగు వారియ‌ర్స్ త‌ర‌పున కెప్టెన్ అయ్యాడు.

ప్ర‌స్తుతం సీసీఎల్ టి 10 -2019 సంద‌డి మొద‌లైంది. ఛండీగ‌ర్ లో తొలి మ్యాచ్ కోసం అఖిల్ కెప్టెన్సీలోని తెలుగు వారియ‌ర్స్ బ‌రిలో దిగేందుకు రెడీగా ఉంది. ఈ సంద‌ర్భ ంగా అఖిల్ ట్విట్ట‌ర్ లో స్పాట్ నుంచి కొన్ని ఫోటోలు వెలుగు చూశాయి. త‌న టీమ్ స‌భ్యుల‌తో క‌లిసి అఖిల్ సెల్ఫీ దిగి పోస్ట్ ఏశారు. సీసీఎల్ సీజ‌న్ కి తిరిగి వ‌చ్చేశాం.. ! అంటూ అఖిల్ ఇన్ స్టాలో పోస్ట్ చేశారు. ఓ వీడియోని ఈ సంద‌ర్భ ంగా అఖిల్ పోస్ట్ చేయ‌డం విశేషం.  తెలుగు వారియ‌ర్స్ హౌ ఈజ్ ద జోష్ ! అనే డైలాగ్ తో వేడి పెంచేస్తున్నాడు. ఈ టీమ్ లో సుశాంత్, సుధీర్ బాబు, త‌రుణ్, ప్రిన్స్‌ ర‌ఘు వంటి స్టార్లు ఉన్నారు. సీసీఎల్  సీజ‌న్ త‌ర్వాత అఖిల్ 4 ప్ర‌క‌ట‌న ఉంటుందేమో చూడాలి.

For Video Click Here