వకీల్ సాబ్ కొత్తపోస్టర్ విడుదల.. హీరోయిన్స్ ఎవరంటే..??

పవర్‌స్టార్ పవన్ కళ్యాణ్ రీఎంట్రీ చేయబోతున్న సినిమా ‘వకీల్ సాబ్’.  ఈ సినిమా పై మొదటినుండి భారీ అంచనాలు నెలకొన్నాయి. ఎందుకంటే భారీ విరామం తర్వాత పవర్ స్టార్ చేసిన సినిమా కాబట్టి.. అయితే ఈ సినిమా బాలీవుడ్ లో బిగ్ బి అమితాబ్ బచ్చన్ చేసిన పింక్ సినిమాకు రీమేక్ అనే సంగతి తెలిసిందే. ఈ సినిమాలో పవన్ లాయర్ పాత్రలో కనిపించనున్నాడు. అయితే ఈ సినిమా మొదలైనప్పటి నుండి పవర్ స్టార్ పోస్టర్ లతో, ఆయన పేరుతోనే చిత్రబృందం బజ్ క్రియేట్ చేస్తోంది. ఈ విషయంలో సినిమా పై భారీ విమర్శలు వినిపిస్తున్నాయి. ఏంటంటే ఈ సినిమాలో మూడు ముఖ్యమైన లేడీ క్యారెక్టర్స్ ఉన్నాయి.

వారి గురించి కేవలం మగువ అనే సాంగ్ లో తప్ప మిగతా ఎప్పుడు కూడా వారిపై ఫోకస్ చేయలేదు టీమ్. ఇటీవల విడుదలైన ‘సత్యమేవ జయతే’ పాట కూడా పవన్‌ గురించి, ఈ సినిమాలో ఆయన పాత్ర గురించి డిజైన్ చేశారు. ఇంతవరకు లేడీ క్యారెక్టర్స్ గురించి ఒక్కపోస్టర్ కూడా రిలీజ్ చేయలేదంటూ విమర్శలు వస్తున్నాయి. అయితే తాజాగా అంతర్జాతీయ మహిళా దినోత్సవం సందర్భంగా లేడీస్ క్యారెక్టర్స్ రివీల్ చేసింది వకీల్ టీమ్. ఈ సరికొత్త పోస్టర్ లో హీరోయిన్ అంజలి, నివేదా థామస్ లతో పాటు ‘మల్లేశం’ ఫేమ్ అనన్య నాగల్ల కూడా కనిపిస్తుంది. ఇందులో పవన్ కుర్చీపై బేస్ బాల్ బ్యాట్ పట్టుకొని.. మరో చేతిలో మహిళాచట్టం, క్రిమినల్ జస్టిస్ బుక్ పట్టుకొని కూర్చున్నాడు. ప్రస్తుతం ఈ పోస్టర్ తో సరిపెట్టారు కానీ ఈ ముగ్గురు క్యారెక్టర్ల టీజర్ వదిలి ఉంటే ఇంకా బాగుండేదని ఫ్యాన్స్ అంటున్నారు. వేణుశ్రీరామ్ దర్శకత్వం వహించిన ఈ సినిమా ఏప్రిల్ 9న రిలీజ్ కాబోతుంది.