'వకీల్ సాబ్' నుంచి మూడో పాట ఎప్పుడంటే..!

పవర్ స్టార్ పవన్ కళ్యాణ్ హీరోగా నటిస్తున్న ''వకీల్ సాబ్'' సినిమా ఏప్రిల్ 9న ప్రేక్షకుల ముందుకు రానున్న సంగతి తెలిసిందే. వేణు శ్రీరామ్ దర్శకత్వం వహిస్తున్న ఈ చిత్రాన్ని బోనీ క‌పూర్ స‌మ‌ర్ప‌ణ‌లో శ్రీ వెంక‌టేశ్వ‌ర క్రియేష‌న్స్‌ - బే వ్యూ ప్రాజెక్ట్స్ ప‌తాకాల‌పై దిల్‌ రాజు - శిరీష్ నిర్మిస్తున్నారు. ఇది హిందీలో పలు అవార్డులు అందుకున్న 'పింక్' చిత్రానికి రీమేక్. రిలీజ్ డేట్ దగ్గర పడుతుండటంతో మేకర్స్ ప్రమోషన్స్ మీద దృష్టి సారించారు. ఇప్పటికే విడుదలైన టీజర్ మరియు రెండు సాంగ్స్ మంచి స్పందన తెచ్చుకున్నాయి. ఈ క్రమంలో మార్చి మ్యూజిక్ ఫెస్ట్ లో భాగంగా మూడో పాటని విడుదల చేస్తున్నారు.

మ్యూజిక్ డైరెక్టర్ థమన్ స్వరపరిచిన 'కంటిపాప కంటిపాప' అంటూ సాగే పాటను ఎల్లుండి మార్చి 17న సాయంత్రం 5 గంటలకు రిలీజ్ చేస్తున్నట్లు చిత్ర యూనిట్ ప్రకటించింది. ఈ సందర్భంగా మ్యూజిక్ తో కూడిన అనౌన్సమెంట్ వీడియోని వదిలారు. ఈ పాటకు రామజోగయ్య శాస్త్రి సాహిత్యం అందించగా.. సింగర్ అర్మాన్ మాలిక్ ఆలపించారు. ఈ చిత్రానికి తిరు డైలాగ్స్ రాస్తుండగా.. పీఎస్ వినోద్ సినిమాటోగ్రాఫర్ గా వ్యవహరించాడు. ప్రవీణ్ పూడి ఎడిటింగ్ బాధ్యతలు నిర్వర్తిస్తున్నారు. 'వకీల్ సాబ్' చిత్రంలో శృతి హసన్ హీరోయిన్ గా నటిస్తుండగా.. నివేధా థామస్ - అంజలి - అనన్య - ప్రకాష్ రాజ్ ఇతర ప్రధాన పాత్రలు పోషించారు.
Full View