తమిళంలో సూపర్ హిట్ గా నిలవడమే కాకుండా విమర్శకుల ప్రశంసలు కూడా పొందిన 'విక్రమ్ వేద'. 2017 లో రిలీజ్ అయిన ఈ చిత్రానికి పుష్కర్ - గాయత్రి దర్శకత్వం వహించారు. ప్రధాన పాత్రల్లో మాధవన్.. విజయ్ సేతుపతి నటించారు. ఈ సినిమా విడుదలైన నాటి నుంచి ఇతర భాషల ఫిలిం మేకర్లు రీమేక్ ప్రయత్నాలు చేస్తూనే ఉన్నారు. తెలుగులో ఈ ప్రయత్నాలు ఇంకా ఒక కొలిక్కి రాలేదు కానీ హిందీలో మాత్రం రీమేక్ దిశగా వడివడిగా అడుగులు పడుతున్నాయి.
హిందీ రీమేక్ లో నటించేందుకు ఇద్దరు బాలీవుడ్ స్టార్లు పచ్చ జెండా ఊపారని సమాచారం. బాలీవుడ్ సూపర్ స్టార్ ఆమిర్ ఖాన్ ఈ సినిమాలో విజయ్ సేతుపతి పాత్రలోనూ.. సైఫ్ అలీ ఖాన్ మాధవన్ పాత్రలోనూ నటించేందుకు ఒప్పుకున్నారని ముంబై మీడియా టాక్. ఈ రీమేక్ చిత్రానికి ఒరిజినల్ సినిమా దర్శకుల జంట దర్శకత్వం వహిస్తారు. హిందీ వెర్షన్ కు సంబంధించిన ఇతర వివరాలు త్వరలోనే వెల్లడవుతాయని అంటున్నారు.
బాలీవుడ్ లో ఇప్పుడు భారీ మార్కెట్ ఉన్న హీరోలలో ఆమీర్ ఖాన్ ప్రథమ స్థానంలో ఉంటారు. ఆయన సినిమాల సక్సెస్ రేట్ కూడా ఎక్కువే. ఈ సినిమాలో నటించడం హిందీ వెర్షన్ పై భారీ ఆసక్తిని కలిగిస్తుందనడంలో సందేహం లేదు. ఇక ఆమిర్ - సైఫ్ కలిసి నటించడం ఇదేమీ మొదటి సారి కాదు. గతంలో 'దిల్ చాహతా హై' సినిమాలో ఇద్దరూ కలిసి నటించారు. దీంతో ఈ కాంబినేషన్ కూడా హిందీ ప్రేక్షకుల్లో కూడా ఆసక్తి కలిగించేదే.
హిందీ రీమేక్ లో నటించేందుకు ఇద్దరు బాలీవుడ్ స్టార్లు పచ్చ జెండా ఊపారని సమాచారం. బాలీవుడ్ సూపర్ స్టార్ ఆమిర్ ఖాన్ ఈ సినిమాలో విజయ్ సేతుపతి పాత్రలోనూ.. సైఫ్ అలీ ఖాన్ మాధవన్ పాత్రలోనూ నటించేందుకు ఒప్పుకున్నారని ముంబై మీడియా టాక్. ఈ రీమేక్ చిత్రానికి ఒరిజినల్ సినిమా దర్శకుల జంట దర్శకత్వం వహిస్తారు. హిందీ వెర్షన్ కు సంబంధించిన ఇతర వివరాలు త్వరలోనే వెల్లడవుతాయని అంటున్నారు.
బాలీవుడ్ లో ఇప్పుడు భారీ మార్కెట్ ఉన్న హీరోలలో ఆమీర్ ఖాన్ ప్రథమ స్థానంలో ఉంటారు. ఆయన సినిమాల సక్సెస్ రేట్ కూడా ఎక్కువే. ఈ సినిమాలో నటించడం హిందీ వెర్షన్ పై భారీ ఆసక్తిని కలిగిస్తుందనడంలో సందేహం లేదు. ఇక ఆమిర్ - సైఫ్ కలిసి నటించడం ఇదేమీ మొదటి సారి కాదు. గతంలో 'దిల్ చాహతా హై' సినిమాలో ఇద్దరూ కలిసి నటించారు. దీంతో ఈ కాంబినేషన్ కూడా హిందీ ప్రేక్షకుల్లో కూడా ఆసక్తి కలిగించేదే.