సుక్కూ క్యూలో యంగ్ హీరోలు

స్టార్ హీరోలకు రికార్డ్ బ్రేకింగ్ సినిమాలు చేస్తూ సుకుమార్ ట్రెండింగ్ డైరెక్ట‌ర్‌ గా వెలిగిపోతున్నాడు. ఎస్.ఎస్‌. రాజ‌మౌళి, కొర‌టాల త‌ర‌హాలో నే వ‌రుస విజ‌యాల‌తో దూసుకుపోతున్నాడు. నాన్న‌కు ప్రేమ‌తో, రంగ‌స్థలం లాంటి బ్లాక్‌బ‌స్ట‌ర్ల‌ ను ఇప్ప‌టి కే తెర‌కెక్కించాడు. ప్ర‌స్తుతం మ‌హేష్‌ కి ఆ స్థాయి విజ‌యం అందించాల‌న్న క‌సి తో మ‌హేష్ 26కు స్క్రిప్టును రెడీ చేస్తున్నాడు. ప‌ని లో ప‌ని గా సుక్కూ రైటింగ్స్‌ లో త‌న శిష్యుల్ని డైరెక్ట‌ర్లు గా ప‌రిచ‌యం చేస్తూ .. వారికి అవ‌కాశాలు క‌ల్పిస్తూ, న‌వ‌త‌రం హీరోల‌తో సినిమాల‌కు స‌న్నాహాలు చేస్తున్నాడు.

ఇప్ప‌టికిప్పుడు సుక్కూ రైటింగ్స్‌ లో సినిమాలు చేసేందుకు నాగ శౌర్య‌-రాజ్ త‌రుణ్‌-నిఖిల్ లాంటి యువ‌హీరోలు అందుబాటులో ఉన్నార‌ట‌. వీళ్ల కోసం స్క్రిప్టులు రెడీ అవుతున్నాయని తెలుస్తోంది. అలాగే అఖిల్‌తోనూ సుకుమార్ ఓ సినిమా చేయాల‌న్న ప‌ట్టుద‌ల‌తో స్క్రిప్టును రెడీ చేయిస్తున్నార‌ని తెలుస్తోంది. బ‌హుశా మ‌హేష్ త‌ర్వాత అఖిల్‌ తో ఉండొచ్చన్న మాటా వినిపిస్తోంది. అయితే అఖిల్‌ ని సుక్కూనే డైరెక్ట్ చేసే ఛాన్సుంది. అఖిల్ ప్ర‌స్తుతం వెంకీ అట్లూరి ద‌ర్శ‌క‌త్వంలో న‌టిస్తున్నాడు. త‌దుప‌రి సుకుమార్, కొర‌టాల‌తోనూ ప‌ని చేయాల‌న్న ఉత్సాహంతో ఉన్నాడు. ఆ మేర‌కు చ‌ర్చ‌లు సాగుతున్నాయ‌ని ఇదివ‌ర‌కూ ప్ర‌చార‌మైంది.

తాజా స‌మాచారం ప్ర‌కారం..  శౌర్య‌- రాజ్ త‌రుణ్‌ల‌ను సుక్కూ అసిస్టెంట్లు డైరెక్ట్ చేస్తార‌ని తెలిసింది. ఛ‌లో-క‌ణం- అమ్మ‌మ్మ‌గారిల్లు వంటి చిత్రాల్లో న‌టించాడు. ప్ర‌స్తుతం సుకుమార్ రైటింగ్స్‌లో సినిమా కోసం స‌న్నాహ‌కాల్లో ఉన్నాడు. నాగ‌శౌర్య  సొంత బ్యాన‌ర్ ఐరా క్రియేష‌న్స్ - సుకుమార్ రైటింగ్స్ సంయుక్తంగా ఈ చిత్రాన్ని సెట్స్‌ పైకి తీసుకెళ్లే ఛాన్సుంద‌ని చెబుతున్నారు. సుకుమార్ అసిస్టెంట్ ఈ చిత్రానికి ద‌ర్శ‌క‌త్వం వ‌హిస్తాడ‌ట‌. ప్ర‌స్తుతం చ‌ర్చ‌లు సాగుతున్నాయి. అలాగే రాజ్ త‌రుణ్ ఇది వ‌ర‌కూ సుక్కూ రైటంగ్స్‌ లో `కుమారి 21ఎఫ్‌` లాంటి బ్లాక్‌బ‌స్ట‌ర్ మూవీ లో న‌టించిన సంగ‌తి తెలిసిందే.