'సైంధవ్' బాబుకు అంత న‌చ్చిందా?
అంతేకాదు ప‌రిశ్ర‌మ దిగ్గ‌జ నిర్మాత కం పంపిణీదారుడు దిల్ రాజు నైజాంలో అత్యంత భారీగా విడుద‌ల చేస్తున్నారు.
విక్టరీ వెంకటేష్ న‌టించిన 75వ చిత్రం `సైంధవ్` సంక్రాంతి కానుకగా జనవరి 13న ప్రేక్షకుల ముందుకు రానుంది. ఈ సినిమా క‌థాంశం, ఇందులో ఎమోష‌న్, యాక్ష‌న్ కంటెంట్ గురించి ఆస‌క్తిక‌ర చ‌ర్చ సాగుతోంది. మెడిక‌ల్ మాఫియా నేప‌థ్యంలో వెంకీ న‌టించిన గ‌ణేష్ కి సీక్వెల్ త‌ర‌హాలో ఉంటుంద‌ని కూడా గుస‌గుస వినిపిస్తోంది. అంతేకాదు ప‌రిశ్ర‌మ దిగ్గ‌జ నిర్మాత కం పంపిణీదారుడు దిల్ రాజు నైజాంలో అత్యంత భారీగా విడుద‌ల చేస్తున్నారు. సైంధవ్ ప్రీబ‌జ్ విష‌యంలో నిర్మాత వెంక‌ట్ బోయ‌న‌ప‌ల్లి ఎంతో హ్యాపీగా ఉన్నార‌ని స‌మాచారం.
ఆస‌క్తిక‌రంగా ఈ సినిమా కృష్ణ, గుంటూరు రైట్స్ వెంకీ సోద‌రుడైన ద‌గ్గుబాటి సురేష్ బాబు ద‌క్కించుకున్నార‌ని తెలిసింది. నిజానికి ఏదైనా సినిమాలో కంటెంట్ ఉంటే కానీ, దానిని రిలీజ్ చేసేందుకు ఆయ‌న ముందుకు రాడు. వెంకీ కెరీర్ 75వ చిత్ర‌మైన సైంధవ్ లో మ్యాట‌ర్ ఉంద‌ని ప్రివ్యూ చూసిన సురేష్ బాబు డిసైడ్ అయ్యార‌ట. ఇందులో ఎమోష‌న‌ల్ కంటెంట్ కి ఫిదా అయిపోయార‌ట. నైజాం రైట్స్ ద‌క్కించుకునేందుకు అవ‌కాశం లేదు గ‌నుక వెంట‌నే కృష్ణ, గుంటూరు రైట్స్ ఛేజిక్కించుకున్నార‌ని తెలిసింది.
తొలిసారి సురేష్ బాబు తన తమ్ముడి సినిమా హక్కులను పొంద‌డంపై ఫిలింన‌గ‌ర్ లో ఆస‌క్తిక‌ర చ‌ర్చ సాగుతోంది. ఈ సినిమా త‌న‌ని ఎంత‌గా ఇంప్రెస్ చేస్తే ఇలాంటి ప‌ని చేసి ఉంటారు? అంటూ ఆస‌క్తిగా ముచ్చ‌టించుకుంటున్నారు. సైంధవ్ ఫైనల్ కాపీని చూసి సురేష్ బాబు, వెంకటేష్ ఇద్దరూ చలించిపోయారని కూడా టాక్ వినిపిస్తోంది. కంటెంట్ పై న‌మ్మ‌కంతోనే సురేష్ బాబు రైట్స్ కొని మ‌రీ రిలీజ్ చేస్తున్నారు. ఇక సురేష్ బాబు అండ‌దండ‌లు ఉన్నాయి గ‌నుక సైంధవ్ విడుద‌ల‌కు మంచి ప్రైమ్ ఏరియాల థియేట‌ర్లు ద‌క్కుతాయ‌న‌డంలో సందేహం లేదు. హిట్ ఫేం శైలేష్ కొల‌ను ఈ చిత్రానికి ద‌ర్శ‌క‌త్వం వ‌హించారు. సంక్రాంతి పోటీ న‌డుమ, థియేట‌ర్ల‌లో ఈ మూవీ ఏ మేర‌కు మెప్పిస్తుందో వేచి చూడాలి.