`స‌లార్ -2` పై ప్ర‌భాస్ ఇంట్రెస్టింగ్ కామెంట్
స‌లార్ కి పోటీగా రిలీజ్ అయిన డంకీ నార్త్ లో కూడా తేలిపోవ‌డంతో అక్క‌డా స‌లార్ మేనియా క‌నిపిస్తోంది
ఇటీవ‌ల రిలీజ్ అయిన హై ఓల్టేజ్ యాక్ష‌న్ థ్రిల్ల‌ర్ `స‌లార్` భారీ విజ‌యం దిశ‌గా ప‌య‌నిస్తోన్న సంగ‌తి తెలిసిందే. బాక్సాఫీస్ వ‌ద్ద వసూళ్ల సునామీ కొన‌సాగిస్తుంది. రిలీజ్ అయిన నాలుగు రోజులు గ‌డుస్తున్నా? స‌లార్ వేడి ఏమాత్రం త‌గ్గ‌లేదు. జ‌నాల‌తో థియేట‌ర్ల‌న్నీ కిట‌కిట‌లాడుతున్నాయి. థియేట‌ర్ల బ‌య‌ట హౌస్ ఫుల్ బోర్డులు ప్ర‌త్య‌క్ష‌మ‌వుతున్నాయి. డార్లింగ్ అభిమానుల‌కు సంక్రాంతి అప్పుడే వ‌చ్చేసిందన్న ఫీల్ లో ఉన్నారు.
ప్ర‌స్తుతం ఎక్క‌డ చూసినా స‌లార్ టాపిక్ న‌డుస్తోంది. స‌లార్ కి పోటీగా రిలీజ్ అయిన డంకీ నార్త్ లో కూడా తేలిపోవ‌డంతో అక్క‌డా స‌లార్ మేనియా క‌నిపిస్తోంది. ఓవ‌ర్సీస్ స‌హా అన్ని చోట్లా స‌లార్ మాట శాస‌నమైంది. ఈ నేప‌థ్యంలో ఫుల్ ర‌న్ లో స‌లార్ ఎలాంటి రికార్డులు న‌మోదు చేస్తుంద‌న్న‌ది ఆస‌క్తిక‌రంగా మారింది. తాజాగా ఇదే వేడిలో డార్లింగ్ ప్ర‌భాస్ స‌లార్ -2 గురించి ఆస‌క్తిక‌ర వ్యాఖ్య‌లు చేసారు. అభిమానుల్ని ఉత్సా హప‌రుస్తూ డార్లింగ్ చేసిన ఆ వ్యాఖ్య‌లు నెట్టింట హాట్ టాపిక్ గా మారాయి.
`స‌లార్` క‌థ నాకెంతో న‌చ్చ‌డంతో వెంట‌నే ఒప్పేసుకున్నాను. నా కెరీర్ లో చేసిన భిన్న మైన పాత్ర‌ల్లో స‌లార్ ఒక‌టి. బాహుబ‌లి తర్వాత అన్ని సినిమాల్లో కొత్త‌ద‌నం ఉండేలా చూసుకుంటున్నాను. ప్ర‌స్తుతం ప్ర‌పంచ‌మంతా భార‌తీయ సినిమాల గురించే మాట్లాడుకుంటోంది. స‌లార్ మొద‌టి భాగంతో పొల్చితే రెండవ భాగం ఇంకా అద్భుతంగా..ప్రేక్ష‌కులు ఊహించ‌ని విధంగా ఉంటుంది` అని ఓ ఇంట‌ర్వ్యూలో అన్నారు.
దీంతో ఇప్పుడా వ్యాఖ్య‌లు నెట్టింట సంచ‌ల‌నంగా మారాయి. డార్లింగ్ అభిమానుల్లో మరింత ఉత్సాహా న్నింపుతున్నాయి. అప్పుడే స‌లార్ -2 పై ఎగ్జైట్ మెంట్ క‌లిగించేలా డార్లింగ్ వ్యాఖ్య‌లు స్ప‌ష్టంగా క‌నిపిస్తున్నాయి. ప్ర‌స్తుతం ప్ర‌భాస్ కూడా స‌లార్ విజ‌యాన్ని ఆస్వాదిస్తున్నారు. కొన్ని రోజుల పాటు విరామం తీసుకుని స‌లార్-2 షూటింగ్ లో పాల్గొంటారు. ఈ చిత్రానికి ప్ర‌శాంత్ నీల్ ద‌ర్శ‌క‌త్వం వ‌హించిన సంగ‌తి తెలిసిందే.