మీనాక్షి.. సింపుల్ లుక్ లోనే పిచ్చెక్కించేస్తోందిగా..
ఇటీవల కాలంలో తెలుగులో ప్రత్యేక గుర్తింపు పొందిన అందాల తారల్లో మీనాక్షి చౌదరి ఒకరు.
ఇటీవల కాలంలో తెలుగులో ప్రత్యేక గుర్తింపు పొందిన అందాల తారల్లో మీనాక్షి చౌదరి ఒకరు. ఏ డ్రెస్సులో కనిపించినా, ఈమె కుర్రాళ్ళ హృదయాలను కట్టిపడేస్తుంది. సినిమాల కన్నా సోషల్ మీడియాలో తన గ్లామర్ ఫోటోలతో ఎక్కువగా అభిమానులను సంపాదించుకుంటోంది. మిస్ ఇండియా హర్యానా టైటిల్ గెలుచుకున్న మీనాక్షి, మోడల్‌గా మంచి గుర్తింపు పొందిన తర్వాత 2019లో హిందీ సినిమా "అప్ స్టార్ట్స్" ద్వారా వెండితెరకు పరిచయమైంది.
అనంతరం, టాలీవుడ్ వైపు రాగా "ఇచ్చట వాహనములు నిలుపరాదు" సినిమాతో మొదట అడుగు పెట్టింది. రవితేజతో చేసిన "ఖిలాడి"లో నటించి, హిట్ 2 మరియు గుంటూరు కారం వంటి సినిమాలలో మెరిసి ప్రేక్షకుల మనసులు దోచుకుంది. మీనాక్షి తన గ్లామర్ ఫోటోలతో సోషల్ మీడియాలో హల్ చల్ చేస్తుంది. ఆమె నవ్వు, ఫోజులతో కుర్రాళ్ళను మంత్రముగ్ధుల్ని చేస్తోంది.
రీసెంట్‌గా పోస్ట్ చేసిన ఫోటోల్లో పెద్దగా గ్లామర్ చూపించకపోయినా, తన నవ్వుతోనే అందరిని ఆకట్టుకుంది. ఫాలోవర్స్ పాజిటివ్ రియాక్షన్లు ఇస్తూ, ఆమె అందాన్ని ప్రశంసిస్తున్నారు. "నీ లుక్స్ తోనే మైమరచిపోయేలా చేస్తున్నావు" అంటూ కామెంట్లు చేస్తున్నారు. మీనాక్షి ఎలా కనిపించినా అందమే అంటూ మరికొందరు పాజిటివ్ గా రియాక్ట్ అవుతున్నారు.
సినిమాల విషయానికి వస్తే, మీనాక్షి ప్రస్తుతం చాలా బిజీగా ఉంది. "మట్కా" సినిమా తో పాటు "లక్కీ భాస్కర్" సినిమాలో కూడా నటిస్తోంది. విజయ్ "GOAT" సినిమాలో స్పెషల్ పాత్రలో కనిపించనుంది. ముఖ్యంగా GOAT సినిమా భారీ బడ్జెట్ తో రూపొందుతోంది. అందులో విజయ్ తో స్క్రీన్ షేర్ చేసుకుంటున్న అమ్మడికి లక్కీ ఛాన్స్ అని చెప్పవచ్చు. ఏమాత్రం క్లిక్కయినా కోలీవుడ్ లో వరుస అవకాశాలు వచ్చే అవకాశం ఉంటుంది.
అంతేకాక, మెగాస్టార్ చిరంజీవి "విశ్వంభర" సినిమాలో కూడా ఒక కీలక పాత్ర చేస్తోంది. ఇప్పటివరకు సాలీడ్ హిట్ అందకపోయినప్పటికి ఏమాత్రం గ్యాప్ లేకుండా సినిమాలు చేస్తోంది. మొత్తానికి, మీనాక్షి చౌదరి ప్రస్తుతం ఇండస్ట్రీలో బిజీగా కనిపిస్తోంది. రాబోయే ప్రాజెక్ట్‌లలో ఒకటైనా హిట్ అయితే, ఆమె రేంజ్ అమాంతం పెరుగుతుందని చెప్పవచ్చు. ఈ బ్యూటీ కెరీర్‌లో లక్కు ఎలా ఉందో చూడాలంటే మరికొంత కాలం వేచి చూడాల్సిందే. ఇక త్వరలోనే కొన్ని న్యూ ప్రాజెక్టులపై కూడా క్లారిటీ ఇచ్చే అవకాశం ఉంది.