టాలీవుడ్ బిగ్ ప్రొడ్యూసర్ చేతికి మోహన్ లాల్ L2

మలయాళ సూపర్ స్టార్ మోహన్ లాల్ ప్రధాన పాత్రలో పృథ్విరాజ్ సుకుమారన్ తెరకెక్కిస్తున్న భారీ యాక్షన్ ఎంటర్టైనర్ L2 ఎంపురాన్ పై అంచనాలు రోజురోజుకూ పెరుగుతున్నాయి. 2019లో విడుదలైన లూసీఫర్ సినిమాకు ఇది సీక్వెల్‌గా రాబోతోంది. మొదటి భాగం తెలుగు సహా పలు భాషల్లో మంచి స్పందన అందుకోవడంతో L2 పైన ఆసక్తి మరింత పెరిగింది. ఈ సినిమాను భారీ స్థాయిలో మల్టీ లాంగ్వేజ్ రిలీజ్ చేయడానికి మేకర్స్ ప్రత్యేక ప్రణాళికలు రూపొందిస్తున్నారు.

ఇప్పటికే షూటింగ్ దాదాపుగా పూర్తవగా, ప్రమోషన్ కార్యక్రమాలకు కూడా ముహూర్తం ఫిక్స్ చేసినట్లు సమాచారం. ఈ సినిమాలో మోహన్ లాల్ పాత్ర మరింత పవర్‌ఫుల్‌గా ఉండబోతోందని ట్రేడ్ వర్గాలు చెబుతున్నాయి. ఫస్ట్ లుక్ పోస్టర్‌కి వచ్చిన రెస్పాన్స్ చూస్తే అభిమానుల్లో భారీ స్థాయిలో క్రేజ్ కనిపిస్తోంది. ఈసారి కథలో మరిన్ని ట్విస్ట్‌లు, ఇంటెన్స్ యాక్షన్ సీక్వెన్స్‌లు ఉండనున్నాయని అంటున్నారు.

ముఖ్యంగా ఈ చిత్రానికి సంబంధించి మ్యూజిక్, విజువల్ ప్రెజెంటేషన్ హై స్టాండర్డ్స్‌లో ఉంటాయని టీం ఇప్పటికే హింట్ ఇచ్చింది. అంతేకాదు, బాలీవుడ్ సహా పాన్ ఇండియా ప్రేక్షకులను ఆకట్టుకునేలా మేకర్స్ ప్లాన్ చేస్తున్నారు. ఇప్పుడు ఈ భారీ ప్రాజెక్ట్‌ను తెలుగు రాష్ట్రాల్లో విడుదల చేసే బాధ్యతను ప్రముఖ నిర్మాత దిల్ రాజు చేపట్టారు. SVC బ్యానర్ ద్వారా ఆంధ్ర, తెలంగాణలో L2E డిస్ట్రిబ్యూషన్ హక్కులను సొంతం చేసుకున్నట్లు అధికారికంగా ప్రకటించారు.

దిల్ రాజు తెలుగు మార్కెట్‌లో మంచి సినిమాలను హైలెట్ చేయడంలో దిట్ట. ఆయన సెన్స్‌కి తగ్గట్టుగా ప్రామాణిక ప్రమోషన్లు, భారీ స్థాయిలో థియేట్రికల్ రిలీజ్ ఉండేలా L2E సినిమాను మలచనున్నట్లు ట్రేడ్ వర్గాలు చెబుతున్నాయి. గతంలో లూసీఫర్ తెలుగు ప్రేక్షకులను ఆకట్టుకోవడంతో, ఈసారి మరింత హైప్ కలిగి ఉండేలా SVC ప్లాన్ చేస్తోంది. ఈ చిత్రానికి పృథ్విరాజ్ సుకుమారన్ దర్శకుడు కావడం మరో ప్రత్యేకత.

మొదటి పార్ట్‌లో అతను నటించడమే కాకుండా దర్శకత్వం వహించడంతో L2E పై మరింత ఆసక్తి పెరిగింది. ఈ సినిమాలో అతని క్యారెక్టర్‌ను బలంగా డిజైన్ చేశారని సమాచారం. మోహన్ లాల్ పాత్రకు సరైన కౌంటర్‌గా ఉండేలా స్క్రిప్ట్ రూపొందించారని అంటున్నారు. విజువల్స్ పరంగా కూడా టాప్ నాచ్ క్వాలిటీతో సినిమాను తెరకెక్కిస్తున్నారు. సినిమా విడుదల విషయానికి వస్తే, ఇప్పటికే మేకర్స్ 2025 మార్చి 27న థియేటర్లలో సినిమాను రిలీజ్ చేయబోతున్నట్లు ప్రకటించారు. వేసవి సెలవుల సీజన్‌కి విడుదల కావడంతో భారీ ఓపెనింగ్స్ రాబట్టే అవకాశం ఉంది. తెలుగు, మలయాళం, తమిళం, హిందీ, కన్నడ భాషల్లో విడుదలవుతున్న ఈ సినిమాకు అటు సౌత్ మార్కెట్‌లో, ఇటు నార్త్ ఆడియన్స్‌లోనూ మంచి క్రేజ్ ఉంది. మరి, L2E ఎంత పెద్ద హిట్ కొడుతుందో చూడాలి.