సలార్.. మళ్ళీ ఈ రీమేక్ గోలేంటి?

దేశ వ్యాప్తంగా సినీ ప్రియులు మొత్తం ఎంతో ఆసక్తిగా ఎదురుచూస్తున్న సినిమాల్లో ప్రభాస్ భారీ యాక్షన్ ఎంటర్​టైనర్​ 'సలార్' ఒకటి. భారీ బడ్జెట్​తో తెరకెక్కుతున్న ఈ చిత్రానికి కేజీయఫ్ ఫేమ్​ కన్నడ డైరెక్టర్​ ప్రశాంత్ నీల్ దర్శకత్వం వహిస్తున్నారు. అయితే ఈ భారీ చిత్రం... గతంలో ప్రశాంత్ నీల్ తెరకెక్కించిన ఉగ్రం చిత్రానికి రీమేక్ అని ఆ మధ్య వార్తలు వచ్చాయి.

కానీ ఆ తర్వాత ఈ ప్రచారాన్ని అంతా మర్చిపోయారు. రీసెంట్​గా సలార్ కొత్త రిలీజ్ ​ డేట్ డిసెంబర్ 22 అని ప్రకటించడంటో సోషల్​ మీడియాలో మళ్లీ ఉగ్రం సినిమా గురించి చర్చలు ఎక్కువైపోయాయి. సలార్ హ్యాష్ ట్యాగ్​ ట్రెండింగ్ అవ్వడంతో పాటు ఉగ్రం గురించి అంతా తెగ మాట్లాడుకుంటున్నారు. అందుకు కారణం.. యాక్షన్ థ్రిల్లర్​ ఉగ్రం సినిమాను యూట్యూబ్​ నుంచి తొలిగించడమే! ప్రస్తుతం ఈ విషయం హాట్​ టాపిక్​గా మారింది.

ప్రశాంత్​.. ఉగ్రం సినిమా స్క్రిప్ట్​లో కొన్ని మార్పులు చేసి.. భారీ స్థాయిలో అన్ని భాషల వారికి కనెక్ట్​ అయ్యేలా తీస్తున్నారని అంటున్నారు. మరోవైపు గతంలో ఉగ్రమ్​కు సీక్వెల్​ వస్తుందని ప్రకటించారు కూడా. కానీ అది కార్యరూపం దాల్చలేదు.

మరోవైపు ఇంకో వర్గం.. సలార్​ - ఉగ్రమ్​కు రీమేక్​ కాదని గట్టిగా అంటున్నారు. ఎందుకంటే.. ఇప్పటికే అంత పెద్ద హిట్​ అయినా ఉగ్రం చిత్రాన్నే.. మళ్లీ ప్రశాంత్ నీల్​ ఎందుకు తెరకెక్కిస్తారనే బేసిక్ లాజిక్​ను కూడా మిస్ అవ్వకూడదని చెబుతున్నారు. ఏదేమైనప్పటికీ.. ఈ విషయానికి సంబంధించి పూర్తి స్పష్టత రావాలంటే సలార్ ప్రమోషన్లు మొదలై.. ప్రశాంత్ నీల్ నీరు విప్పేదాకా వేచి ఉండటమే. లేదంటే​ ట్రైలర్​తో పాటు సినిమా వచ్చే వరకు ఎదురు చూడాల్సిందే.

ఇకపోతే సలార్ సినిమా నుంచి రిలీజైన టీజర్​కు విశేష రెస్పాన్స్ వచ్చింది. హీరోను ఎలివేట్‌ చేస్తూ 'సింపుల్‌ ఇంగ్లిష్‌' డైలాగ్స్‌, యాక్షన్‌ విజువల్స్‌ దేశ వ్యాప్తంగా సినీ ప్రియులను బాగా ఆకట్టుకున్నాయి. ఈ సినిమాలో ప్రభాస్‌ సరసన శ్రుతి హాసన్‌ నటిస్తోంది. జగపతిబాబు, ఈశ్వరీరావు, శ్రియారెడ్డి తదితరులు ఇతర కీలక పాత్రల్లో నటిస్తున్నారు.