టాలీవుడ్ కి ధర్మవరపు తనయుడు!
ఆయన వార‌సుడిగా రంగంలోకి దిగుతున్నా నంటూ ధ‌ర్మ వ‌ర‌పు తనయుడు సీన్ లోకి వ‌చ్చాడు. అత‌డి పేరు రవి బ్ర‌హ్మ‌తేజ. ఓ ఇంట‌ర్వ్యూ ద్వారా రవి బ్రహ్మ తేజ పేరు వెలుగులోకి వ‌చ్చింది.
తెలుగు చ‌ల‌న చిత్ర ప‌రిశ్ర‌మ‌లో ధర్మవరపు సుబ్ర‌హ్మ‌ణ్యం కెరీర్ జ‌ర్నీ గురించి చెప్పాల్సిన ప‌నిలేదు. నిన్నటి తరం హాస్యనటులలో ధర్మవరపు ఒక‌రు. హాస్యంలో ఆయ‌న‌కంటూ ఓ ప్ర‌త్యేక‌మైన ఇమేజ్ ని సంపాదించుకున్నారు. డైలాగ్ డెలివరీలో తనదైన ప్రత్యేకతను చాటిన న‌టుడాయ‌న. రెండున్న‌ర ద‌శాబ్ధాల ప్ర‌యాణంలో ఎన్నో వైవిథ్య మైన పాత్ర‌లు పోషించిన దిగ్గ‌జం. అయితే ఆయన త‌దానంత‌రం ఇండ‌స్ట్రీలో ఆయన వార‌స‌త్వం క‌నిపించ‌లేదు.
క‌మెడీయ‌న్ త‌న‌యులు ఇండ‌స్ట్రీలో స‌క్సెస్ అయింది కూడా లేదు. ఎంట్రీ ఇవ్వ‌డం నాలుగైదు సినిమాలు చేసి వెళ్లిపోవ‌డం త‌ప్ప! సీరియ‌స్ గా ఉండి స‌క్సెస్ అందుకున్న న‌టులు క‌నిపింలేదు. దీంతో ధర్మవరపు ఫ్యామిలీ నుంచి ఎవ‌రూ ఇండ‌స్ట్రీ వైపు రాలేదు. అయితే ఇది నిన్నటి మాట. ఆయన వార‌సుడిగా రంగంలోకి దిగుతున్నా నంటూ ధ‌ర్మ వ‌ర‌పు తనయుడు సీన్ లోకి వ‌చ్చాడు. అత‌డి పేరు రవి బ్ర‌హ్మ‌తేజ. ఓ ఇంట‌ర్వ్యూ ద్వారా రవి బ్రహ్మ తేజ పేరు వెలుగులోకి వ‌చ్చింది.
ఈ సంద‌ర్భంగా తండ్రి గురించి గుర్తు చేసుకుంటూ అత‌డి ఎంట్రీని క‌న్ప‌మ్ చేసాడు. `నాన్నగారికి ఎస్వీఆర్ అంటే చాలా ఇష్టం. నాన్నగారికి తెలుగు భాష అంటే ప్రాణం. అందువలన ఆయన డైలాగ్ డెలివరీ చాలా స్పష్టంగా ఉండేది. నాన్నగారు లేకపోయినా ఇండస్ట్రీలోని వాళ్లంతా బాగానే పలకరిస్తున్నారు. ప్రస్తుతం నేను నటనలో శిక్షణ తీసుకుంటున్నాను. త్వరలో ఇండస్ట్రీలోకి అడుగుపెట్టే ఆలోచన ఉంది.
తప్పకుండా రాణిస్తాననే నమ్మకం ఉంది` అని అన్నారు. మ‌రి న‌టుడిగా ఎంట్రీ ఇస్తోన్న ర‌విబ్ర‌హ్మ‌తేజ డాడ్ మార్గంలో వెళ్తాడా? లేక హీరోగా ప్ర‌య‌త్నాలు చేస్తాడా? క్యారెక్ట‌ర్ ఆర్టిస్ట్ గా వెలుగులోకి వ‌స్తాడా? అన్న‌ది చూడాలి. బ్ర‌హ్మానందం తనయుడు గౌత‌మ్ , శ్రీహ‌రి త‌న‌యులు కూడా సినిమాల్లోకి వ‌చ్చిన సంగ‌తి తెలిసిందే. కానీ వీళ్లెవ్వ‌రూ స‌క్స‌స్ అవ్వ‌లేదు. దీంతో కొన్ని సినిమాల‌తో వెను దిరిగారు. మ‌రి ధర్మవరపు తనయుడు కెరీర్ ఎలా ప్లాన్ చేసుకున్నాడో తెలియాలి.