రాధిక జోరు తగ్గిందిగా..?

తెలుగు తెర మీద రాధికగా మెప్పించిన చిన్నది నేహా శెట్టి. అంటే ఒక పాత్ర పేరు చెప్పగానే ఆమెను గుర్తు చేసుకునే రేంజ్ లో అమ్మడు పాపులారిటీ సంపాదించింది. సిద్ధు జొన్నలగడ్డతో నేహా శెట్టి చేసిన డీజే టిల్లు సినిమా సూపర్ హిట్ కాగా ఆ సినిమాలో రాధిక పాత్రతో నేహా శెట్టి అదరగొట్టేసింది. కెరీర్ లో ఎలాంటి ఆఫర్ వచ్చినా వదిలి పెట్టకుండా చేయాలని ఫిక్స్ అయిన నేహా శెట్టి చిన్న చిన్న పాత్రలు చేస్తూ వచ్చింది. ఐతే డీజే టిల్లుతో సూపర్ క్రేజ్ తెచ్చుకోగా ఆ తర్వాత బెదురులంక 2012, రూల్స్ రంజన్ సినిమా చేసింది.

బెదురులంక సినిమా హిట్ పడినా రూల్స్ రంజన్ ఫ్లాప్ తో మళ్లీ రిస్క్ లో పడింది. ఇక లాస్ట్ ఇయర్ టిల్లు స్క్వేర్ లో కూడా సర్ ప్రైజ్ ఇచ్చింది నేహా శెట్టి. టిల్లు నిర్మాతలే చేసిన గ్యాంగ్స్ ఆఫ్ గోదావరి సినిమా చేసిన ఈ అమ్మడు సినిమాలో తన బెస్ట్ ఇచ్చినా ఎందుకో ఆశించిన రేంజ్ లో రెస్పాన్స్ తెచ్చుకోలేదు. ఆ తర్వాత అమ్మడికి ఒక్క సినిమా కూడా పడలేదు.

ప్రస్తుతం నేహా శెట్టి నెక్స్ట్ సినిమా కోసం ఎదురుచూస్తుంది. తనదైన శైలిలో మెప్పిస్తూ ప్రేక్షకులను అలరిస్తున్న నేహా శెట్టి ఎలాంటి పాత్ర చేసినా సరే ఆడియన్స్ ని అలరిస్తూ వచ్చింది. ఇచ్చిన పాత్రకు పూర్తి స్థాయిలో న్యాయం చేస్తూ అమ్మడు అదరగొట్టేస్తుంది. గ్యాంగ్స్ ఆఫ్ గోదావరి తర్వాత నేహాకి అవకాశాలు లేక ఫోటో షూట్స్ తో సరిపెట్టుకుంటుంది.

ఎలాంటి రోల్ ఇచ్చినా కాదనకుండా చేస్తున్న నేహా శెట్టికి మళ్లీ లైం లైట్ లోకి వచ్చే పాత్రలు పడాలని ఆమె ఫాలోవర్స్ కోరుతున్నారు. మరి అమ్మడు కోరిక సినిమా సక్సెస్ ఫుల్ కెరీర్ వస్తుందా లేదా అన్నది చూడాలి. ఐతే ఈసారి గ్లామర్ పరంగానే కాదు ప్రాధాన్యత ఉన్న పాత్రలు కూడా చేయాలని ఫిక్స్ అయ్యింది నేహా శెట్టి. ఐతే అందుకు తగినట్టుగా అవకాశాలు వస్తే బెటర్ అని చెప్పొచ్చు. ఈసారి డీజే టిల్లు కాదు అంతకుమించిన హిట్ పడితేనే అమ్మడు మళ్లీ తిరిగి ఫాంలోకి వచ్చే ఛాన్స్ ఉంటుంది. ఐతే ఎలాగైనా మళ్లీ సినిమాలు చేజిక్కించుకోవాలని ప్లాన్ చేస్తుంది.