తండేల్ కు భారీ ఓపెనింగ్స్ ఖాయం.. కార‌ణాలివే!

నాగ చైత‌న్య, సాయి ప‌ల్ల‌వి జంట‌గా చందూ మొండేటి ద‌ర్శ‌క‌త్వంలో రూపొందిన భారీ బ‌డ్జెట్ సినిమా తండేల్. కార్తికేయ‌ 2 త‌ర్వాత చందూ మొండేటి ద‌ర్శ‌క‌త్వంలో తెర‌కెక్కిన ఈ సినిమాపై అంద‌రికీ భారీ అంచ‌నాలున్నాయి. ఈ సినిమాను భారీ బ‌డ్జెట్ తో గీతా ఆర్ట్స్ 2 బ్యాన‌ర్ లో బ‌న్నీ వాసు పాన్ ఇండియా లెవెల్ లో రూపొందించాడు.

తండేల్ పై భారీ అంచ‌నాలున్న నేప‌థ్యంలో ఈ సినిమాకు భారీ ఓపెనింగ్స్ వ‌స్తాయ‌ని మేక‌ర్స్ ఆశిస్తున్నారు. దానికి కార‌ణాలేంటో చూద్దాం. మొద‌టి కార‌ణం సాయి ప‌ల్ల‌వి. అమ్మ‌డికి తెలుగులో మంచి ఫాలోయింగ్ ఉంది. చాలా కాలం త‌ర్వాత సాయి ప‌ల్ల‌వి నుంచి వ‌స్తున్న‌ స్ట్రయిట్ తెలుగు సినిమా కావ‌డంతో ఈ సినిమాపై మంచి బ‌జ్ నెల‌కొంది. విరాట ప‌ర్వం త‌ర్వాత తెలుగులో సాయి ప‌ల్ల‌వి చేస్తున్న సినిమా ఇదే.

తండేల్ నిజ జీవిత క‌థ‌తో దేశ‌భ‌క్తి, ల‌వ్ స్టోరీతో రూపొందింది. శ్రీకాకుళానికి చెందిన మ‌త్య్స‌కారులు వేట‌కు దిగి అనుకోకుండా స‌ముద్రంలో పాకిస్తాన్ హ‌ద్దుల‌కు వెళ్లి అక్క‌డ సైన్యానికి ప‌ట్టుబ‌డి పాక్ జైల్లో చిత్ర హింస‌లు అనుభ‌విస్తారు. ఈ సినిమాలో దేశ‌భ‌క్తి, ల‌వ్ స్టోరీ రెండూ బ‌లంగా ఉంటాయ‌ని ఇప్ప‌టికే అర్థ‌మైపోయింది. ఈ స్టోరీ లైన్ కూడా సినిమాపై ఆస‌క్తిని పెంచుతుంది.

మ‌రో రీజ‌న్ నాగ‌చైత‌న్య మేకోవ‌ర్. ఈ సినిమా కోసం చైత‌న్య ఎంతో క‌ష్ట‌ప‌డ్డాడు. త‌న‌కు ఈ లుక్ చాలా బాగా సెట్ అయింది. తండేల్ కోసం చైతూ ప‌డిన శ్ర‌మ ప్ర‌తీ పోస్ట‌ర్ లో చాలా స్ప‌ష్టంగా క‌నిపిస్తోంది. తండేల్ కోసం చైతూ ఎంతో హోమ్ వ‌ర్క్ చేశాడు. తండేల్ లో చైత‌న్య యాక్టింగ్ కూడా ఓ హైలైట్ గా నిలుస్తోంద‌ని అర్థ‌మ‌వుతుంది.

ఇక నాగ‌చైత‌న్య, సాయి ప‌ల్ల‌వి కెమిస్ట్రీ కూడా ఒక రీజ‌న్. గ‌తంలో వీరిద్ద‌రూ క‌లిసి చేసిన ల‌వ్ స్టోరీ మంచి హిట్ కాగా, ఇప్పుడు మ‌రోసారి వీరిద్ద‌రూ న‌టించిన తండేల్ దాన్ని మించి హిట్ అవుతుంద‌ని అంద‌రూ న‌మ్ముతున్నారు. వీరిద్ద‌రి మ‌ధ్య కెమిస్ట్రీ కూడా ఓ రేంజ్ లో వ‌ర్క‌వుట్ అయింద‌ని టీజ‌ర్, ట్రైల‌ర్ చూస్తుంటేనే అర్థ‌మ‌వుతుంది.

ఇక అన్నింటికంటే ముఖ్య‌మైన‌ది దేవీ శ్రీ ప్ర‌సాద్ సంగీతం. తండేల్ నుంచి ఇప్ప‌టివ‌ర‌కు మూడు పాట‌లు రిలీజ‌వ‌గా, ఆ మూడు పాట‌లూ చార్ట్‌బ‌స్ట‌ర్లుగా నిలిచాయి. బుజ్జి త‌ల్లి సాంగ్ ఓ రేంజ్ లో పాపుల‌ర‌వ‌గా, రీసెంట గా వ‌చ్చిన హైలెస్సో హైలెస్సా సాంగ్ ఆడియ‌న్స్ లోకి బాగా రీచ్ అయింది. బ్యాక్ గ్రౌండ్ స్కోర్ కూడా అదే రేంజ్ లో ఉంటుంద‌ని యూనిట్ స‌భ్యులంటున్నారు. తండేల్ కు మంచి ఓపెనింగ్స్ వ‌చ్చేందుకు ఈ మ్యూజిక్ కూడా ఓ ముఖ్య కార‌ణంగా చెప్పొచ్చు. మ‌రి ఇన్ని అంచ‌నాల మ‌ధ్య వ‌స్తోన్న తండేల్ చైత‌న్య కు ఎలాంటి ఫ‌లితాన్నిస్తుందో చూడాలి.