తండేల్ కోసం లాల్ సింగ్ చద్దా..!

నాగ చైతన్య, సాయి పల్లవి జంటగా చందు మొండేటి డైరెక్షన్లో తెరకెక్కిన సినిమా తండేల్. ఫిబ్రవరి 7న రిలీజ్ అవుతున్న ఈ సినిమాకు దేవి శ్రీ ప్రసాద్ ఇచ్చిన సాంగ్స్ తోనే సూపర్ హైప్ వచ్చింది. తండేల్ సినిమాకు ప్రమోషనల్ బజ్ అదిరిపోయింది. సినిమాపై అంతా చాలా పాజిటివ్ వైబ్ తో ఉన్నారు. ఈ సినిమాను పాన్ ఇండియా లెవెల్ లో రిలీజ్ ప్లాన్ చేస్తున్నారని తెలిసిందే. తండేల్ సినిమా తమిల్ ట్రైలర్ రీసెంట్ గా కోలీవుడ్ స్టార్ హీరో కార్తి లాంచ్ చేశారు.

ఇక తండేల్ హిందీ ట్రైలర్ ని మిస్టర్ పర్ఫెక్షనిస్ట్ బాలీవుడ్ స్టార్ ఆమీర్ ఖాన్ తో రిలీజ్ చేసేలా ప్లాన్ చేస్తున్నారు. నాగ చైతన్య, అమీర్ ఖాన్ తో ఆల్రెడీ లాల్ సింగ్ చద్దా సినిమా చేశాడు. ఆ సినిమా టైంలో ఇద్దరు చాలా క్లోజ్ అయినట్టు తెలుస్తుంది. అందుకే హిందీలో తండేల్ సినిమా కోసం అమీర్ సాయం తీసుకుంటున్నారు. అమీర్ ఖాన్ చేతుల మీదగా తండేల్ ట్రైలర్ రిలీజ్ కాబోతుంది.

బాలీవుడ్ లో కూడా ఈ సినిమాను భారీగానే రిలీజ్ ప్లాన్ చేయబోతున్నారని తెలుస్తుంది. తెలుగు సినిమాలకు అక్కడ భారీ డిమాండ్ ఏర్పడింది. పుష్ప 2 తో మరోసారి తెలుగు సినిమాల పాన్ ఇండియా హంగామా ఏంటన్నది ప్రూవ్ చేసింది. ఇప్పుడు అదే దారిలో తండేల్ ని కూడా రిలీజ్ చేయబోతున్నారు. తండేల్ దేశభక్తితో కూడిన ప్రేమ కథగా వస్తుంది. సినిమా ట్రైలర్ చూస్తేనే సినిమా ఎప్పుడెప్పుడు చూసేయాలా అన్నంత వైబ్ తెచ్చింది.

సినిమాలో నాగ చైతన్య, సాయి పల్లవి ఇద్దరు పోటా పోటీగా నటించినట్టు ఉన్నారు. తెర మీద వాళ్లిద్దరి నటనకు తగినట్టుగా తెర వెనక దేవి శ్రీ ప్రసాద్ అదరగొట్టే పని పెట్టుకున్నాడు. మొత్తానికి తండేల్ ఆల్బం చూస్తే డిఎస్పీ తిరిగి మళ్లీ ఫాంలోకి వచ్చినట్టుగా ఉంది. తండేల్ నాగ చైతన్య కెరీర్ లో హైయెస్ట్ బడ్జెట్ తో తెరకెక్కించారు. సినిమా అన్ని చోట్ల బిజినెస్ కూడా బాగానే చేసినట్టు తెలుస్తుంది. చూస్తుంటే తండేల్ రాజు బాక్సాఫీస్ పై విధ్వంసం సృష్టించేలానే ఉన్నాడు. తండేల్ ని నేషనల్ లెవెల్ లో ఆడియన్స్ ఎలా రిసీవ్ చేసుకుంటారన్నది చూడాలి.