హీరోగా త‌న స్టార్‌డ‌మ్ ఏంటో ప్ర‌భాస్‌కు తెలీదు: పృథ్వీరాజ్

కృష్ణం రాజు న‌ట వార‌సుడిగా ఇండ‌స్ట్రీలోకి పెట్టిన ప్ర‌భాస్ బాహుబ‌లి సినిమాతో పాన్ ఇండియా హీరోగా మారిన విష‌యం తెలిసిందే. బాహుబ‌లి త‌ర్వాత వ‌రుస పాన్ ఇండియా సినిమాల‌ను చేసుకుంటూ వెళ్తున్న ప్ర‌భాస్ స‌లార్, క‌ల్కి సినిమాల‌తో వ‌రుస హిట్ల‌ను అందుకుని ఫుల్ ఫామ్ లో దూసుకెళ్తున్నాడు. ప్ర‌స్తుతం మారుతి ద‌ర్శ‌క‌త్వంలో రాజా సాబ్, హ‌ను రాఘ‌వ‌పూడి ద‌ర్శ‌క‌త్వంలో ఫౌజి సినిమాల‌ను చేస్తున్నాడు ప్ర‌భాస్.

ఈ సినిమాల త‌ర్వాత ప్ర‌భాస్ స‌లార్2, క‌ల్కి2 ను పూర్తి చేయ‌నున్నాడు. ఇదిలా ఉంటే తాజాగా స‌లార్ లో వ‌ర‌ద‌రాజ్ మ‌న్నార్ గా న‌టించిన పృథ్వీరాజ్ సుకుమార్ స‌లార్2 గురించి ఆస‌క్తిక‌ర విష‌యాల‌ను వెల్ల‌డించాడు. స‌లార్2 కు సంబంధించిన స్క్రిప్ట్ వ‌ర్క్ అంతా ఇప్ప‌టికే పూర్తైంద‌ని, ప్ర‌స్తుతం ప్ర‌శాంత్ నీల్ ఎన్టీఆర్ సినిమా ప‌నుల్లో బిజీగా ఉన్నాడ‌ని, ఆ సినిమా షూటింగ్ పూర్తి కాగానే స‌లార్2 మొద‌ల‌వుతుంద‌ని తెలిపాడు.

ఇక ప్ర‌భాస్ గురించి చెప్తూ, స‌లార్ సినిమా టైమ్ లో ప్ర‌భాస్ త‌న‌కు చాలా క్లోజ్ ఫ్రెండ్ అయ్యాడ‌ని, హీరోగా త‌న‌కు ఉన్న స్టార్‌డ‌మ్ ప్ర‌భాస్ కు తెలియ‌ద‌ని, త‌న‌కు తెలిసినంత వ‌ర‌కు ప్ర‌భాస్ కనీసం సోష‌ల్ మీడియా కూడా వాడ‌డ‌ని, అత‌నొక ప్రైవేట్ ప‌ర్స‌న్ అని, అత్యంత స‌న్నిహితుల వ‌ద్ద మాత్ర‌మే ఆయ‌న అన్ని విష‌యాల‌ను ప్ర‌స్తావిస్తూ ఉంటార‌ని ప్ర‌భాస్ గురించి పృథ్వీరాజ్ చేసిన కామెంట్స్ ప్ర‌స్తుతం నెట్టింట వైర‌ల్ అవుతున్నాయి.

ఇక సినిమాల విష‌యానికొస్తే పృథ్వీరాజ్ సుకుమారన్ ద‌ర్శ‌క‌త్వం వ‌హించిన L2: Empuraan మార్చి 27న రిలీజ్ కానుంది. ఆ చిత్ర ప్ర‌మోష‌న్స్ లోనే పృథ్వీరాజ్ ఈ విష‌యాల‌ను వెల్ల‌డించాడు. ఇది కాకుండా రాజ‌మౌళి- మ‌హేష్ బాబు కాంబోలో తెర‌కెక్కుతున్న సినిమాలో కూడా పృథ్వీరాజ్ ఓ కీల‌క పాత్ర‌లో న‌టిస్తున్నాడ‌నే వార్త‌లు వినిపిస్తున్నాయి. రాజ‌మౌళి అనౌన్స్ చేస్తే కానీ ఈ విష‌యంలో క్లారిటీ రాదు.