రామోజీ ఫిలింసిటీకి దెబ్బ ప‌డుతుందా?

ఉత్త‌ర ప్ర‌దేశ్ సీఎం యోగి ప్ర‌తిపాదిత ఫిలింస్టూడియో హైద‌రాబాద్ రామోజీ ఫిలింసిటీ (ఆర్.ఎఫ్‌.సి)కి ఊహించ‌ని చిక్కులు కొని తేనుందా? ఆర్.ఎఫ్‌.సికి మునుముందు డిమాండ్ త‌గ్గ‌నుందా? అంటే అవున‌నే కొంద‌రు సందేహిస్తున్నారు. ఆర్.ఎఫ్‌.సిని కొట్టేలా యుపి-నోయిడాలో అత్యంత భారీ ఫిలిం స్టూడియోని అధునాత‌న సాంకేతిక‌త‌తో నిర్మించేందుకు స‌న్నాహ‌కాలు సాగుతుండ‌గా ప్ర‌ధానంగా ఈ చ‌ర్చ తెర‌పైకొస్తోంది. అయితే నోయిడా ఫిలింసిటీ నిర్మాణం పూర్త‌వాలంటే దానికి ద‌శాబ్ధంపైగానే ప‌డుతుంద‌ని కూడా ఒక అంచ‌నా. అంటే ఇప్ప‌ట్లో రామోజీ ఫిలింసిటీకి వ‌చ్చిన డోఖా ఏమీ ఉండ‌దు. అలాగే ఆల్ట‌ర్నేట్ గా వేరొక పెద్ద ఫిలింసిటీ అందుబాటులోకి వ‌స్తే, దాని ప్ర‌భావం ఇత‌ర స్టూడియోల‌పై పూర్తిగా ఉంటుంద‌ని కూడా చెప్ప‌లేం. అయితే రామోజీ ఫిలింసిటీ ఏవిధంగా ప్ర‌సిద్ధి చెందింది.. ఇక్క‌డ ఉన్న సౌక‌ర్యాలు ఏమిటి అన్నది ఒక‌సారి ప‌రిశీలించాలి.

రామోజీ ఫిల్మ్ సిటీ ప్ర‌పంచంలోనే అత్యంత ఆద‌ర‌ణ పొందిన ఫిలింసిటీ. హైదరాబాద్‌- అబ్దుల్లాపూర్‌మెట్‌లో ఈ ఫిల్మ్ స్టూడియో ఉంది. 1,666 ఎకరాల‌(674 హెక్టార్లు) స్థ‌లంలో ఇది ప్రపంచంలోనే అతిపెద్ద ఫిల్మ్ స్టూడియో కాంప్లెక్స్.. గిన్నిస్ వరల్డ్ రికార్డ్స్ లోను చేరింది. దీనిని 1996లో తెలుగు మీడియా టైకూన్ రామోజీ రావు స్థాపించారు. ప్ర‌పంచ‌విఖ్యాత‌ ది గార్డియన్ రామోజీ ఫిల్మ్ సిటీని 'నగరం లోపల నగరం'గా అభివర్ణించింది అంటే ఎంత‌టి కీర్తినార్జించిందో అర్థం చేసుకోవాలి. ఇక ఈ ఫిలింసిటీలో కేవ‌లం సౌత్ సినిమాలు మాత్ర‌మే కాదు, హిందీ-తెలుగు-త‌మిళం-క‌న్న‌డం-భోజ్ పురి, ఆంగ్లం స‌హా చాలా భాష‌ల చిత్రాలు తెరకెక్కుతాయి.

రామోజీ ఫిల్మ్ సిటీ వినోద ఉద్యానవనం సహా సహజసిద్ధ‌మైన‌, అలాగే కృత్రిమ ఆకర్షణలను కలిగి ఉన్న ప్ర‌త్యేక టూరిస్ట్ స్పాట్. ఇది పాపుల‌ర్ పర్యాటక వినోద కేంద్రం. ప్రతి సంవత్సరం సుమారు 1.5 మిలియన్ల మంది పర్యాటకులు ఈ ప్రదేశాన్ని సందర్శిస్తారు. హాలీవుడ్ త‌ర‌హాలో భారీ స్టూడియోను నిర్మించాలని భావించిన ఫిలింసిటీ అధినేత‌, ప్ర‌ముఖ‌ నిర్మాత రామోజీ రావు ఆలోచనలే ఈ ఫిల్మ్ సిటీ. భూమిని సేకరించినప్పుడు అతడు కాంప్లెక్స్ రూపకల్పనకు ఆర్ట్ డైరెక్టర్ నితీష్ రాయ్‌తో ఒప్పందంపై సంతకం చేశాడు. ఎగ్జిక్యూటివ్ ప్రకారం, బిల్డర్లు ఆ సమయంలో అరణ్యాలు పర్వత భూభాగాలతో కూడిన భూమిని చెక్కుచెదరకుండా, ఒక చెట్టు లేదా పర్వతాన్ని కానీ తొలగించకుండా అలాగే ఉంచారు. ఇది 1996లో హైదరాబాద్‌లోని అబ్దుల్లాపూర్‌మెట్‌లోని నగర శివార్లలో దీనిని నిర్మించారు. మా నాన్నకు పెళ్లి (1997) స్టూడియోలో చిత్రీకరించిన మొదటి చిత్రం.

స్టూడియోలో అడవులు, తోటలు, హోటళ్లు, రైల్వే స్టేషన్, విమానాశ్రయం, అపార్ట్‌మెంట్ బ్లాక్‌లు, భవనాలు, వర్క్‌షాప్‌లు మొదలైన సెట్‌లు ఉన్నాయి. ఏ సమయంలోనైనా ఒకేసారి ప‌దుల సంఖ్య‌లో చిత్ర యూనిట్లు ఇక్క‌డ‌ షూటింగ్ చేసుకున్నా ఇబ్బంది లేకుండా వారి కోసం సెంట్రల్ కిచెన్ అందుబాటులో ఉంది. ఫిల్మ్ సిటీలో 6 హోటళ్లు, 47 సౌండ్ స్టేజ్‌లు రైల్వే స్టేషన్‌ల నుండి దేవాలయాల వరకు శాశ్వత సెట్‌లు కూడా ఉన్నాయి. ఫిల్మ్ సిటీలో దాదాపు 1200 మంది ఉద్యోగులు 8000 మంది ఏజెంట్లు ఉన్నారు. ఫిల్మ్ సిటీ వివిధ భారతీయ భాషలలో సంవత్సరానికి 400-500 చిత్రాలను నిర్వహిస్తుంది. రామోజీ ఫిల్మ్ సిటీ లోపల ప్రయాణించడానికి పాతకాలపు బస్సులు - AC కోచ్ అందుబాటులో ఉన్నాయి.

ప్రజలు సినిమా సెట్లు, థీమ్ పార్కులు, వినోదప‌ర‌మైన‌ సవారీలు మొదలైనవాటిని సందర్శించవచ్చు. ఫిల్మ్ సిటీలో బాహుబలి: ది బిగినింగ్ (2015) - బాహుబలి 2: ది కన్‌క్లూజన్ (2017) చిత్రాలకు ఉపయోగించిన సెట్ కూడా ఉంది. ఇరు చిత్రాలలో ఉపయోగించిన అన్ని విగ్రహాలు, వస్తువులు ఇక్కడ చూడవచ్చు. ప్రతి సంవత్సరం సుమారు 1.5 మిలియన్ల మంది పర్యాటకులు ఈ ప్రదేశాన్ని సందర్శిస్తారు. రామోజీ ఫిలింసిటీలో స‌క‌ల సౌక‌ర్యాలు అందుబాటులో ఉన్నాయి గ‌నుకే ముంబై నుంచి కూడా ఇక్క‌డికే వ‌చ్చి షూటింగులు చేస్తుంటారు. అయితే బాలీవుడ్ సినిమాల‌కు యూపి- నోయిడా ఫిలింసిటీలో ప్రాధాన్య‌త పెరిగేందుకు ఆస్కారం ఉంది. అలాగే నోయిడా ఫిలింసిటీ అద‌న‌పు ఫిలింసిటీగా, స్టూడియోగాను అంద‌రికీ ఉప‌యోగ‌ప‌డుతుంద‌ని భావిస్తున్నారు.