వ‌య‌సులో వ్య‌త్యాసం ఉన్నా ఆ జోడీ ఊపేస్తుందా!

స‌ల్మాన్ ఖాన్ , ర‌ష్మికా మంద‌న్న జంట‌గా ముర‌గ‌దాస్ ద‌ర్శ‌క‌త్వంలో 'సికంద‌ర్' తెర‌కెక్కుతోన్న సంగ‌తి తెలిసిందే. ముర‌గ‌దాస్ మార్క్ ప‌క్కా యాక్ష‌న్ థ్రిల్ల‌ర్ ఇది. ప్ర‌స్తుతం సినిమా ఆన్ సెట్స్ లో ఉంది. ఇప్ప‌టికే చిత్రీక‌ర‌ణ 50 శాతం పూర్త‌యింది. సినిమాలో భారీ యాక్ష‌న్ స‌న్నివేశాలుంటాయ‌ని...ప్రేక్ష‌కుల ఊహించ‌ని విధంగా అవి ఎంతో క్రియేటివ్ గా ముర‌గ‌దాస్ డిజైన్ చేసిన‌ట్లు తెలుస్తోంది. వాటి కోస‌మే కోట్ల రూపాయ‌లు ఖ‌ర్చు చేస్తున్నారు.

దేశ విదేశాల్లో ఆ యాక్ష‌న్ స‌న్నివేశాలు చిత్రీక‌రించారు. మ‌రి ఇలాంటి యాక్ష‌న్ సినిమాలో హీరో-హీరోయిన్ మ‌ద్య రొమాన్స్ ఉంటుందా? అంటే సాధార‌ణంగా ముర‌గ‌దాస్ సినిమాల్లో జోడీల మ‌ధ్య రొమాన్స్ అనేది పెద్ద‌గా ఉండ‌దు. అలాంటి వాటికి ముర‌గ‌దాస్ ప్రాధ‌న్య‌త కూడా ఇవ్వ‌రు. కానీ ఈ విష‌యంలో ముర‌గ‌దాస్ రూట్ మార్చారు.

సికింద‌ర్ లో లెక్క‌కు మించి రొమాంటిక్ స‌న్నివేశాలు ఉన్నాయ‌నే టాక్ వినిపిస్తుంది. ఈ చిత్రానికి ప్రీత‌మ్ సంగీతం అందిస్తున్నాడు. అందులో రెండు పాట‌లు ఎంతో రొమాంటిక్ గా ఉంటాయ‌ట‌. ఆ పాట‌ల చిత్రీక‌ర‌ణ కూడా పూర్త యింద‌ని స‌మాచారం. ఇందులో స‌ల్మాన్ ఖాన్-ర‌ష్మిక ఇద్దరి మ‌ధ్య కెమిస్ట్రీ ప‌ర్పెక్ట్ గా వ‌ర్కౌట్ అయిందం టున్నారు. వ‌య‌సు వ్య‌త్యాసం ఉన్నా? థియేట‌ర్ లో కూర్చున్న ప్రేక్ష‌కుడికి ఆ ఫీల్ ఎక్క‌డా క‌ల‌గ‌ద‌ని స‌ల్మాన్ వ‌య‌సుని ర‌ష్మిక మ్యాచ్ చేసేలా పెర్పార్మెన్స్ ఇచ్చింద‌ని స‌మాచారం.

ఈ పాట‌లు రెండు ఈద్...హోలీ బ్యాక్ డ్రాప్ లో సాగుతాయ‌ని అంటున్నారు. రెండు పాట‌లు ఇన్ స్టెంట్ చార్ బ‌స్ట‌ర్లుగా నిలు స్తాయ‌ని చిత్ర వ‌ర్గాలు చెబుతున్నాయి. ప్ర‌స్తుతం షూటింగ్ హైద‌రాబాద్ లో జ‌రుగుతోంది. సాజిద్ న‌డియావాలా ఈ చిత్రాన్ని భారీ బ‌డ్జెట్ తో నిర్మిస్తున్నారు. 2025 ఈద్ సంద‌ర్భంగా ప్రేక్ష‌కుల ముందుకు తీసుకురానున్నారు.