నాగ చైతన్య, శోభితా.. మరోసారి రూమర్స్ షురూ..!

అక్కినేని యువ హీరో నాగ చైతన్య , తెలుగు హీరోయిన్ శోభితా దూళిపాళ్ల ప్రేమలో ఉన్నారంటూ గత కొంతకాలంగా వార్తలు వస్తూనే ఉన్నాయి. వీరిద్దరూ కలిసి షికార్లు కూడా చేస్తున్నారని ప్రచారం కూడా జరిగింది. కొన్ని ఫోటోలు కూడా బయటకు వచ్చాయి. ముఖ్యంగా ఓ రెస్టారెంట్ నాగచైతన్య ఫోటోని షేర్ చేయగా, అందులో వెనక శోభితా కూడా కనిపించింది. అంతే, ఇక వీరిద్దరూ డేటింగ్ చేస్తున్నారంటూ జనాలు ఫిక్స్ అయిపోయారు. త్వరలోనే పెళ్లి కూడా చేసుకుంటారంటూ వార్తలు రావడం మొదలైంది.

అయితే, ఈ రూమర్స్ ని నాగ చైతన్య, శోభితా ఇద్దరూ ఖండించారు. కస్టడీ మూవీ ప్రమోషన్స్ సమయంలో శోభిత తో తనకు ఎలాంటి సంబంధం లేదని ఇన్ డైరెక్ట్ గా స్పందించారు. శోభితా కూడా తనకు అసలు ఎలాంటి సంబంధం లేదని చెప్పింది. తాను ఏ తప్పు చేయలేదని పేర్కొంది. తాను తప్పు చేయనప్పుడు మీడియా ముందకు వచ్చి స్పందించాల్సిన అవసరం లేదు కదా అంటూ ఈ విషయంపై క్లారిటీ ఇచ్చింది.

వీరిద్దరూ ఇలా స్పందించడంతో, ఈ రూమర్స్ కి పులిస్టాప్ పడింది. అయితే, సడెన్ గా మరోసారి వీరి మధ్య ఏదో ఉందబ్బా అనే అనుమానం తలెత్తడం గమనార్హం. దానికి కారణం కూడా లేకపోలేదు. వారి ఇన్ స్టాగ్రామ్ పోస్టులే ఇప్పుడు ఈ వార్తలు రావడానికి కారణం అయ్యాయి. తాజాగా శోభితా తాను ఒక బుక్ చదివానని, చాలా బాగా నచ్చింది అంటూ ఓ పోస్టు పెట్టారు. ఆ బుక్ పేరు గ్రీన్ లైట్స్. కాగా, అది హాలీవుడ్ నటుడు మాథ్యూ ఆటోబయోగ్రఫీ. తాను ఎక్కువ సేపు చదివిన అద్భుతమైన పుస్తకం ఇది అని ఆమె షేర్ చేశారు.

అయితే, ఇదే పుసక్తంపై గతేడాది నాగచైతన్య కూడా ఓ పోస్టు పెట్టారట. ఈ బుక్ బాగా నచ్చిందని ఆయన కూడా చెప్పారట. ఈ విషయాన్ని నెటిజన్లు పసిగట్టేశారు. ఇంకేముంది. వీరిద్దరి మధ్య కనెక్షన్ ఉంది అన్నది మాబత్రం నిజం అంటూ నెటిజన్లు డిసైడ్ అయిపోతున్నారు. మరి ఇది అనుకోకుండా జరిగిందా లేక, నిజంగానే వీరిద్దరి మధ్యా ఏమైనా ఉందా అనేది తెలియాలంటే, కొంత కాలం ఎదురుచూడాల్సిందే.

ఇక, శోభితా ఇటీవల మేడ్ ఇన్ హెవెన్ 2 వెబ్ సిరీస్ తో ప్రేక్షకుల ముందుకు వచ్చారు. మరో వైపు నాగచైతన్య తన కొత్త సినిమా కోసం కసరత్తులు చేస్తున్నారు. చందు మొండేటి దర్శకత్వంలో ఈ సినిమా తెరకెక్కుతోంది. ఇందులో చైతూ మత్స్యకారుడిగా కనిపించనున్నాడు.