స్టార్ కపుల్ పిక్స్ కన్నుల విందు

బాలీవుడ్ తో పాటు టాలీవుడ్ లో కూడా స్టార్‌ హీరోయిన్ గా పేరు దక్కించుకున్న ముద్దుగుమ్మ కియారా అద్వానీ. తెలుగు లో భరత్ అనే నేను, వినయ విధేయ రామ సినిమాలో నటించిన ఈ అమ్మడు ప్రస్తుతం రామ్‌ చరణ్ కి జోడీగా గేమ్‌ ఛేంజర్ లో నటిస్తున్న విషయం తెల్సిందే. హీరోయిన్ గా ఈ అమ్మడు బిజీగా ఉన్న సమయంలోనే పెళ్లి చేసుకుంది.

ప్రేమించిన ప్రియుడు, బాలీవుడ్ స్టార్ సిద్దార్థ్ మల్హోత్రా ను ఈ అమ్మడు పెళ్లి చేసుకుంది. ఈ ఏడాది ఫిబ్రవరి 7వ తారీకు వీరి వివాహం అయింది. పెళ్లి అయిన వెంటనే షూటింగ్స్ తో ఇద్దరు కూడా బిజీ అయ్యారు. ప్రస్తుతం కూడా ఇద్దరు పలు ప్రాజెక్ట్‌ లతో బిజీ బిజీగా ఉన్నారు.

తాజాగా వీరిద్దరూ కలిసి మీడియా ముందుకు వచ్చారు. ఇటీవల వారిద్దరూ బిజీగా ఉండటం వల్ల కలిసి కనిపించడం అరుదు గా మారింది. ఇలాంటి సమయంలో తాజాగా ఒక కార్యక్రమంలో పాల్గొనేందుకు కలిసి కెమెరా ముందుకు వచ్చారు. ఇద్దరు కూడా మెరిసి పోతున్నారు అంటూ నెటిజన్స్ కామెంట్స్ చేస్తున్నారు.

స్టార్‌ కపుల్ పిక్స్ సోషల్‌ మీడియాలో వైరల్‌ అవుతున్నాయి. ప్రస్తుతం వీరిద్దరి జోడీ పిక్స్‌ సోషల్‌ మీడియాలో సందడి చేస్తున్నాయి. వీరిద్దరు కలిసి ఇప్పటికే బాలీవుడ్ సినిమాల్లో సందడి చేశారు. ముందు ముందు మరిన్ని సినిమాలు చేసే అవకాశాలు కనిపిస్తున్నాయి.