ఫోన్ పోయిన బాధ‌లో ఉన్న ఐటం భామ‌

చేతిలో ఫోన్ ప‌డిపోతే ఆ పెయిన్ ఎలా ఉంటుందో పొగొట్టుకున్న వాళ్ల‌కే తెలుస్తుంది. ఖ‌రీదైన పోయిన ఫోన్ పోయినంద‌కు కాదు ఆ బాధంతా. అందులో కాంటాక్ట్స్..విలువైన స‌మాచారం...బ్యాకింగ్ వంటి కార్య‌క‌లా పాలన్నీ ఒక్కసారిగా క‌ళ్ల ముందు గిర్రున తిరుగుతాయి. పాత ఫోన్ క‌న్నా అప్ డేటెడ్ ఫోన్ కొన‌డానికి పైస‌లు మ‌స్తుగా...ఆ పాత ఫోన్ దొరికితే బాగుండు అనిపిస్తుంది క‌దూ. స‌రిగ్గా ఇదే పరిస్థితుల్లో ఉంది హాట్ బ్యూటీ ఊర్శరి రౌతేలే.

ఈ అమ్మ‌డు కూడా త‌న ఖ‌రీదైన బ్రాండెడె ఫోన్ పోగొట్టుకుంది. ఎక్క‌డో తెలుసా. నిన్న జరిగిన పాకిస్తాన్- ఇండియా మ్యాచ్ లో. దాయాదితో పోరు నేప‌థ్యంలో నిన్న‌టి రోజున న‌రేంద్ర మోదీ స్టేడియం క్రీడాభిమాను ల‌తో భారీ జ‌న‌సందోహంతో కిక్కిరిసిన సంగ‌తి తెలిసిందే. మ్యాచ్ లో ప‌స‌లేక‌పోయినా! మ‌నోళ్ల‌ని ప్రోత్స‌హిం చడానికి చివ‌రి వ‌ర‌కూ కూర్చోవ‌ల్సిన స‌న్నివేశం. అలా కూర్చుని అమ్మ‌డు స్టేడియంలో ఎక్క‌డో ఫోన్ పొగొట్టుకుంది.

24 క్యారెట్ గోల్డ్ రియ‌ల్ ఐఫోన్ పోగొట్టుకున్న‌ట్లు అమ్మ‌డు ట్విట‌ర్ ద్వార వెల్ల‌డించింది. ఎవ‌రికైనా నా ఫోన్ దొరికితే నన్ను సంప్రదించండి అని కోరింది. స‌హాయం కోరుతూ అహ్మ‌దాబాద్ పోలీసుల్ని ట్యాగ్ చేసింది. అయితే ఈ ఫోన్ ఎలా మిస్ అయింద‌న్న‌ది చెప్ప‌లేదు. ప‌రజ్ఞానంలో ఒళ్లొపెట్టుకుని మ‌ర్చిపోయిందా? లేక ఎవ‌రైనా కావాల‌ని దొంగ‌త‌నం చేసారా? చివ‌రిగా ఫోన్ ఎలా మిస్ చేసుకుందో? క్లారిటీ ఇవ్వ‌లేదు.

ప్ర‌స్తుతం ఈ మ్యాట‌ర్ సోష‌ల్ మీడియాలో హాట్ టాపిక్. ఫోన్ పోయిన బాధితులంతా అమ్మ‌డికి మ‌ద్ద‌తుగా నిలుస్తున్నారు. త్వ‌ర‌గా పోలీసులు ఫోన్ క‌నిపెట్టి ఇచ్చేయండి అంటూ కోరుతున్నారు. అలాగే అమ్మాయిలు బ్యాక్ పాకెట్ లో ఎక్కువ‌గా ఫోన్లు పెడుతుంటారు. అలా పాకెట్ లో పెడితే దొంగిలించ‌డానికి దొంగ‌ల‌కి అనుకూలంగా ఉంటుదన్న‌ది గుర్తించాలి.