ప్రాజెక్ట్ కె.. రంగంలోకి దిగిన రానా!

ఆదిపురుష్ తర్వాత ప్రభాస్ చేస్తున్న అతి పెద్ద చిత్రం ప్రాజెక్ట్ కె. నాగ్ అశ్విన్ దర్శకత్వం వహిస్తున్న ఈ సినిమా ప్రస్తుతం షూటింగ్ దశలో ఉంది. దాదాపు రూ.500కోట్ల బడ్జెట్ తో ఈ సినిమాను తెరకెక్కిస్తున్నారు. వైజయంతి బ్యానర్ పై ఈ మూవీ తెరకెక్కిస్తున్నారు. ఫ్యాన్స్ ఆశలన్నీ ఇప్పుడు ఈ సినిమా పై ఉన్నాయి. ఈ మూవీపై చలా అంచనాలు ఉన్నాయి.

కాగా, ప్రాజెక్ట్ కె సినిమా అంత‌ర్జాతీయ స్థాయిలో ప్రతిష్టాత్మ‌క‌మైన `శాన్ డియాగో కామిక్ కాన్‌` ఈవెంట్లో పాల్గొన‌నున్న‌ట్లుగా చిత్ర బృదం ప్ర‌క‌టించిన విషయం మనకు తెలిసిందే. అమెరికాలో జ‌ర‌గ‌నున్న `శాన్ డియాగో కామిక్ కాన్‌` ఈవెంట్లో `ప్రాజెక్ట్ కె` టీమ్ అంతా పాల్గొన‌నుంది. ఈ ఈవెంట్‌కు హాజ‌రు కానున్న తొలి భార‌తీయ సినిమాగా ప్రాజెక్ట్ కె రికార్డు సృష్టించింది.

ఈ ఈవెంట్ జులై 20వ తేదీన జరగనుంది. ఈ నేపథ్యంలో మూవీ టీమ్ అమెరికా చేరుకుంటోంది. ఇప్పటికే, ప్రభాస్ అమెరికాలోనే ఉన్నారు. ఆయన ఆదిపురుష్ రిలీజ్ కి ముందే అమెరికా వెళ్లారు. ఆ మూవీ రిలీజ్ అయిన తర్వాత ఇండియా వస్తారని చెప్పారు. కానీ, ఇప్పుడు ఈ ఈవెంట్ కోసం ఆయన అక్కడే ఉన్నట్లు తెలుస్తోంది. ఆ ఈవెంట్ అయిపోయిన తర్వాతే ప్రభాస్ మళ్లీ స్వదేశానికి వచ్చే అవకాశం ఉంది.

అయితే, ఇప్పుడు ఈ ఈవెంట్ కోసం ప్రభాస్ తో పాటు, రానా కూడా అక్కడికి వెళ్లడం విశేషం. వీరిద్దరూ కలిసి ఉన్న ఫోటోని తాజాగా వైజయంతి మూవీస్ షేర్ చేసింది. అమెరికాలో ల్యాండ్ అయ్యారు అంటూ క్యాప్షన్ పెట్టారు. ఇప్పుడు ఈ ఫోటో అందరినీ ఆకట్టుకుంటోంది. కాగా, ప్రభాస్ హాలీవుడ్ స్టార్ లా ఉన్నారు అంటూ ఫ్యాన్స్ కామెంట్స్ చేస్తుండటం విశేషం.

కాగా, ఈ మూవీలో అమితాబ్ బచ్చన్, దీపికా పదుకొణె, కమల్ హాసన్ , దిశా పటానీ లాంటి వారు నటిస్తుండటం విశేషం. ఇదిలా ఉండగా, ఈ ఈవెంట్ కి ద‌ర్శ‌క నిర్మాత‌ల‌తో పాటు ప్ర‌భాస్, దీపిక ప‌దుకునే, క‌మ‌ల్ హాస‌న్ దీనికి హాజ‌రు కానున్నారు. ఇదే వేదిక‌పై ఈ సినిమా టైటిల్‌, టీజ‌ర్‌ని విడుద‌ల చేసే అవకాశం ఉందని తెలుస్తోంది. మరి ఈ మూవీతో అయినా ప్రభాస్ హిట్టు కొడతాడో లేదో చూడాలి.