టీటీడీ పాల‌క‌మండలికి - ఆల‌య మాజీ ప్ర‌ధాన అర్చ‌కుడు ర‌మ‌ణ దీక్షితులుకు మ‌ధ్య కొంత‌కాలంగా మాట‌ల యుద్ధం జ‌రుగుతోన్న సంగ‌తి తెలిసిందే. టీటీడీ బోర్డులో జ‌రుగుతోన్న అవ‌క‌త‌వ‌క‌ల‌పై - ఆగ‌మ శాస్త్రాల‌కు విరుద్ధంగా జ‌రుగుతోన్న ప‌నుల‌పై తాను నోరు మెదిపినందుకే ప్ర‌భుత్వం త‌న‌పై క‌క్ష్య తీర్చుకుంటోంద‌ని ర‌మ‌ణ దీక్షితులు ఆరోపిస్తున్నారు. శ్రీ‌వారి పోటులోని నేలమాళిగలో ఉన్న నిధుల కోస‌మే ఏపీ సీఎం చంద్రబాబు ...త‌న అనుయాయుల‌తో ఆ త‌వ్వ‌కాలు జ‌రిపార‌ని ర‌మ‌ణ దీక్షితులు సంచలన వ్యాఖ్య‌లు చేశారు. పల్లవులు - చోళులు - రాయ‌లు వంటి ఎందరో చక్రవర్తులు వెంకన్న కు వేల కోట్ల విలువైన ఆభరణాలను - వ‌జ్ర వైఢూర్యాల‌ను - బంగారాన్నిఇచ్చార‌ని - వాటిని మొదటి ప్రాకారంలో దాచారని తాళపత్ర గ్రంథాలు చెబుతున్నాయని ర‌మ‌ణ దీక్షితులు అన్నారు. వెంక‌న్న‌ను వెయ్యి కోట్ల దేవుడని పిలిచేవారని - వెంకన్న‌కు 18 లక్షల బంగారు మొహర్లతో(ఒకటి సుమారు 100 గ్రాములు) ను కాకతీయరాజు ప్రతాపరుద్రుడు స‌మ‌ర్పించార‌ని చెప్పారు. ఇటువంటి అమూల్య‌మైన సంప‌ద‌ను మొదటి ప్రాకారంలోని నేలమాళిగలో ఉంచార‌ని - వాటి కోసం త‌వ్వ‌కాలు జ‌రిపార‌ని సంచలన వ్యాఖ్య‌లు చేశారు. ఈ నేప‌థ్యంలో స్వామి వారి నగలను కాపాడేందుకు దాఖ‌లైన పిటిషన్ ను ఉమ్మడి హైకోర్టు విచారణకు స్వీక‌రించింది.
తిరుమల వెంకన్న ఆల‌యంలోని నేల మాళిగ‌ల్లో ఉన్న వేల కోట్ల విలువైన ఆభరణాలను - బంగారాన్ని దోచుకునేందుకు కొంద‌రు ప్ర‌య‌త్నిస్తున్నార‌ని ర‌మ‌ణ దీక్షితులు సంచలన ఆరోప‌ణ‌లు చేస్తోన్న సంగ‌తి తెలిసిందే. శ్రీ‌వారి పోటులో త‌వ్వ‌కాల‌తో పాటు టీటీడీలో అవ‌క‌త‌వ‌క‌ల వ్య‌వ‌హారంపై సీబీఐ విచారణ జ‌ర‌పాల‌ని ఆయ‌న డిమాండ్ చేశారు. ఈ నేప‌థ్యంలో వెంకన్న నగలు మాయ‌మ‌య్యాయ‌న్న ఆరోప‌ణ‌లు - శ్రీ‌వారిపోటులో త‌వ్వ‌కాల క‌ల‌క‌లం....పాలకమండలి నిర్ణయాలు....భక్తుల మనోభావాలను దెబ్బతీసేలా ఉన్నాయ‌ని ఉమ్మడి హైకోర్టులో ఓ పిటిషన్ దాఖ‌లైంది. పురాతన ఆస్తులను - స్వామివారి నగలను కాపాడేందుకు స‌త్వ‌ర‌మే తగిన ఆదేశాలు ఇవ్వాలని అనిల్ కుమార్ - గోస్వామి అనే భక్తులు తెలుగు రాష్ట్రాల ఉమ్మడి హైకోర్టులో పిటిషన్ దాఖ‌లు చేశారు. వారి పిటిషన్ ను స్వీక‌రించిన హైకోర్టు.....విచారణ చేప‌ట్టేందుకు అంగీక‌రించింది. వ‌చ్చే మంగళవారం నాడు ఈ కేసు విచారణకు రానుంది. ఆ పిటిషన్ లోని ఆరోప‌ణ‌ల‌పై టీటీడీ పాలకమండలి, ఈఓ - ఏపీ ప్రభుత్వాలు సమాధానం ఇవ్వాలని హైకోర్టు నోటీసులను పంపనున్నట్టు తెలుస్తోంది. ఇన్నాళ్లూ ర‌మ‌ణ దీక్షితులు ఆరోప‌ణ‌ల‌పై నిమ్మ‌కునీరెత్తినట్లున్న ఏపీ స‌ర్కార్ కు తాజా హైకోర్టు ఆదేశాలు షాకిచ్చాయ‌ని చెప్ప‌వ‌చ్చు.
తిరుమల వెంకన్న ఆల‌యంలోని నేల మాళిగ‌ల్లో ఉన్న వేల కోట్ల విలువైన ఆభరణాలను - బంగారాన్ని దోచుకునేందుకు కొంద‌రు ప్ర‌య‌త్నిస్తున్నార‌ని ర‌మ‌ణ దీక్షితులు సంచలన ఆరోప‌ణ‌లు చేస్తోన్న సంగ‌తి తెలిసిందే. శ్రీ‌వారి పోటులో త‌వ్వ‌కాల‌తో పాటు టీటీడీలో అవ‌క‌త‌వ‌క‌ల వ్య‌వ‌హారంపై సీబీఐ విచారణ జ‌ర‌పాల‌ని ఆయ‌న డిమాండ్ చేశారు. ఈ నేప‌థ్యంలో వెంకన్న నగలు మాయ‌మ‌య్యాయ‌న్న ఆరోప‌ణ‌లు - శ్రీ‌వారిపోటులో త‌వ్వ‌కాల క‌ల‌క‌లం....పాలకమండలి నిర్ణయాలు....భక్తుల మనోభావాలను దెబ్బతీసేలా ఉన్నాయ‌ని ఉమ్మడి హైకోర్టులో ఓ పిటిషన్ దాఖ‌లైంది. పురాతన ఆస్తులను - స్వామివారి నగలను కాపాడేందుకు స‌త్వ‌ర‌మే తగిన ఆదేశాలు ఇవ్వాలని అనిల్ కుమార్ - గోస్వామి అనే భక్తులు తెలుగు రాష్ట్రాల ఉమ్మడి హైకోర్టులో పిటిషన్ దాఖ‌లు చేశారు. వారి పిటిషన్ ను స్వీక‌రించిన హైకోర్టు.....విచారణ చేప‌ట్టేందుకు అంగీక‌రించింది. వ‌చ్చే మంగళవారం నాడు ఈ కేసు విచారణకు రానుంది. ఆ పిటిషన్ లోని ఆరోప‌ణ‌ల‌పై టీటీడీ పాలకమండలి, ఈఓ - ఏపీ ప్రభుత్వాలు సమాధానం ఇవ్వాలని హైకోర్టు నోటీసులను పంపనున్నట్టు తెలుస్తోంది. ఇన్నాళ్లూ ర‌మ‌ణ దీక్షితులు ఆరోప‌ణ‌ల‌పై నిమ్మ‌కునీరెత్తినట్లున్న ఏపీ స‌ర్కార్ కు తాజా హైకోర్టు ఆదేశాలు షాకిచ్చాయ‌ని చెప్ప‌వ‌చ్చు.