పుట్టిన‌రోజు నాడు..బాబుకు జ‌గ‌న్ ఊహించ‌ని ట్విస్ట్‌

ఆంధ్రప్రదేశ్ ముఖ్యమంత్రి నారా చంద్రబాబునాయుడు జ‌న్మ‌దినం సంద‌ర్భంగా ప‌లువురు ప్ర‌ముఖులు ఆయ‌న‌కు శుభాకాంక్ష‌లు తెలిపారు. ఆంధ్రప్రదేశ్‌ ముఖ్యమంత్రి చంద్రబాబునాయుడికి రాష్ట్రపతి రామ్‌నాథ్‌ కోవింద్‌ జన్మదిన శుభాకాంక్షలు తెలిపారు. గవర్నర్ నరసింహన్ జన్మదిన శుభాకాంక్షలు తెలిపారు. ఈ ఉదయం చంద్రబాబుకు ఫోన్ చేసిన గవర్నర్ రాష్ట్రప్రజలకు సేవ చేసేందుకు భగవంతుడు మీకు ఆరోగ్యాన్ని ప్రసాదించాలని ఆకాంక్షించారు. వీరితో పాటుగా పార్టీ ఎంపీలు, ఎమ్మెల్యేలు, ఇత‌ర నేత‌లు శుభాకాంక్ష‌లు తెలిపిన వారిలో ఉన్నారు.

మ‌రోవైపు ఆంధ్రప్రదేశ్ ముఖ్యమంత్రి నారా చంద్రబాబునాయుడికి, ఏపీ విపక్ష నేత వైఎస్ జగన్ పుట్టిన రోజు శుభాకాంక్షలు తెలిపారు. మీరు ఆయురారోగ్యాలతో జీవించాలని భగవంతుడిని మనస్ఫూర్తిగా కోరుకుంటున్నానంటూ ట్వీట్ చేశారు. గ‌త ఏడాది వైఎస్ జ‌గ‌న్‌మోహ‌న్ రెడ్డి జ‌న్మ‌దినం సంద‌ర్భంగా ఏపీ ముఖ్య‌మంత్రి  నారా చంద్ర‌బాబు నాయుడు ఆయ‌న‌కు శుభాకాంక్ష‌లు తెలిపిన సంగ‌తి గుర్తుండే ఉంటుంది. `జన్మ‌దిన శుభాకాంక్ష‌లు వైఎస్ జ‌గ‌న్‌. మీరు సంతోషంగా - ఆరోగ్యంగా జీవించాలి`అని ఆ ట్వీట్లో చంద్రబాబు ఆకాక్షించారు. దానికి బ‌దులుగా అన్న‌ట్లుగా కాదంటే త‌న హుందాత‌నాన్ని చాటుకుంటూ జ‌గ‌న్ ఈ శుభాకాంక్ష‌లు తెలిపార‌ని చ‌ర్చించుకుంటున్నారు.