టీమిండియా క్రికెటర్లపై సంచలన ఆరోపణలు.. నిజమెంత?

టీమిండియా ఆటగాళ్లపై అత్యాచార ఆరోపణలు కలకలం రేపుతున్నాయి. మీడియాలో ఇప్పుడు ఇదే విషయంపై హాట్ టాపిక్ నడుస్తోంది. ఓ మహిళ చేసిన ఫిర్యాదు సంచలనమైంది. టీమిండియా ముగ్గురు క్రికెటర్లు తనపై లైంగిక దాడి చేశారని ముంబై పోలీసులకు ఓ మహిళ ఫిర్యాదు చేసిందన్న వార్త నిన్నటి నుంచి మీడియాలో చక్కర్లు కొడుతోంది. ఇంతకీ ఆ మహిళ ఎవరు? అండర్ వరల్డ్ డాన్ దావూద్ ఇబ్రహీం గ్రూపుతో ఆమెకు ఉన్న లింకులేంటి? అన్నది సంచలనంగా మారింది.

అండర్ వరల్డ్ డాన్ దావూద్ ఇబ్రహీం అనుచరుడు రియాజ్ భాటీ భార్య ఈ ఆరోపణలు చేసింది. డాన్ కు అనుచుడైన రియాజ్ కు మహారాష్ట్రలోని వీఐపీలంతా సుపరిచితులే..

తాజాగా రియాజ్ పై అతడి భార్య ముంబై పోలీసులకు ఫిర్యాదు చేసింది. పెద్ద పెద్ద వ్యక్తులు తనపై అత్యాచారానికి పాల్పడ్డారని.. తన భర్త రియాజే బలవంతంగా తనను వీఐపీల దగ్గరకు పంపించాడని ఫిర్యాదులో పేర్కొంది. ఆ మహిళ ఫిర్యాదు కాపీ ఇప్పుడు సోషల్ మీడియాలో చక్కర్లు కొడుతోంది.


ఇక బీసీసీఐ మాజీ అధ్యక్షుడు రాజీవ్ శుక్లా, అతడి స్నేహితులు లైంగిక దాడి చేయడంతోపాటు చిత్రవధకు గురిచేశారని ఆ మహిళ పోలీసులకు ఇచ్చిన ఫిర్యాదులో పేర్కొంది. ఇప్పుడు ఫిర్యాదు దేశంలో సంచలనమైంది. దీనిపై నిజనిజాలు తెలియాల్సి ఉంది. పోలీసులు ఈ విషయంపై ఇంతవరకూ స్పందించలేదు.