సౌత్ సూపర్ స్టార్ సినిమా లో నార్త్ సూపర్ స్టార్

లోకేష్ సినిమాటిక్ యూనివర్స్ (LCU)లో వ‌రుస చిత్రాలు సంచ‌ల‌న విజ‌యాలు సాధించిన సంగ‌తి తెలిసిందే. కానీ ఇందులో భాగం కాని భారీ యాక్ష‌న్ చిత్రం `కూలీ` గురించి ఆస‌క్తిక‌ర చర్చ సాగుతోంది. లోకేష్ తెర‌కెక్కిస్తున్న ఈ చిత్రంలో ర‌జ‌నీకాంత్ క‌థానాయ‌కుడు. సన్ పిక్చర్స్ భారీ బడ్జెట్‌తో నిర్మిస్తోంది. ఈ చిత్రం ప్రస్తుతం ఆంధ్రప్రదేశ్‌లోని వైజాగ్‌లో షూటింగ్ జరుపుకుంటుంది. ఇందులో అమితాబ్ బచ్చన్, శృతి హాసన్, రానా దగ్గుబాటి సహాయక పాత్రల్లో నటిస్తున్నారు. అనిరుధ్ రవిచందర్ సంగీత స్వరకర్త.

`కూలీ` కోసం లోకేష్ ఎంపిక చేసుకుంటున్న‌ తారాగణం ఆశ్చ‌ర్య‌ప‌రుస్తున్నారు. అత‌డి ఎంపిక‌లు సినీ పరిశ్రమలలో నిరంతరం ముఖ్యాంశాలుగా మారాయి. అక్కినేని నాగార్జున మొదట ఇందులో విల‌న్ గా న‌టించాలని భావించారు. కానీ ర‌క‌ర‌కాల‌ కారణాల వల్ల కన్నడ నటుడు ఉపేంద్ర ఆ పాత్రను దక్కించుకున్నారు.

యాక్షన్ డ్రామా `కూలీ`లో హిందీ నటుడు అమీర్ ఖాన్ సూపర్‌స్టార్ రజనీకాంత్‌తో స్క్రీన్‌స్పేస్‌ను షేర్ చేసుకోనున్నార‌నేది తాజా వార్త‌. అమీర్ ఈ చిత్రంలో అతిధి పాత్రలో కనిపిస్తాడని సోర్సెస్ ధృవీకరించాయి. అయితే దీనిపై అధికారికంగా ప్ర‌క‌టించాల్సి ఉంది. మిస్ట‌ర్ ప‌ర్ఫెక్ట్ అమీర్ ఖాన్ కి ర‌జ‌నీ అంటే అమిత‌మైన ఆస‌క్తి.. ప్ర‌త్యేక గౌర‌వం. అందువ‌ల్ల ర‌జ‌నీ చిత్రంలో న‌టించేందుకు ఆయ‌న అంగీక‌రించార‌ని అభిమానులు భావిస్తున్నారు.