ఈసారి షారుఖ్ ఫోకస్ గట్టిగానే..

బాలీవుడ్ బాద్ షా ఈ ఏడాది పఠాన్ సినిమాతో ఇప్పటికే హిందీలో హైయెస్ట్ కలెక్షన్స్ రికార్డుని తన సొంతం చేసుకున్నారు. ఏకంగా వెయ్యి కోట్ల కలెక్షన్స్ సొంతం చేసుకున్న పఠాన్ మూవీ బాలీవుడ్ కి తిరిగి జీవం పోసింది. కొత్త కంటెంట్ అంటూ మూలాలు వదిలేసి వెస్ట్రన్ నేటివిటీని ప్రెజెంట్ చేస్తోన్న బాలీవుడ్ స్టార్స్ కి వరుస డిజాస్టర్స్ పడ్డాయి. అయితే పఠాన్ జాతీయవాదం కాన్సెప్ట్ తో తెరకెక్కి సూపర్ సక్సెస్ అందుకుంది.

ఇప్పుడు షారుఖ్ జవాన్ సినిమాతో సెప్టెంబర్ లో ప్రేక్షకుల ముందుకి రాబోతున్నారు. సౌత్ ఇండియా స్టార్ డైరెక్టర్ అత్లీ దర్శకత్వంలో తెరకెక్కిన ఈ సినిమాని షారుఖ్ సొంత ప్రొడక్షన్ లో నిర్మించారు. భారీ బడ్జెట్ తో ఈ సినిమాని అత్లీ సిల్వర్ స్క్రీన్ పై ఆవిష్కరించారు. ఈ మూవీలో షారుఖ్ డిఫరెంట్ గెటప్స్ లో కనిపిస్తాడంట. సినిమాలో మిగిలిన మెయిన్ క్యాస్టింగ్ సౌత్ కి చెందినవారు కావడం విశేషం.

హీరోయిన్ గా నయనతార చేస్తోన్న ఫస్ట్ హిందీ మూవీ ఇది. అలాగే విలన్ గా విజయ్ సేతుపతి కనిపించబోతున్నారు. ఇప్పటికే ప్రేక్షకుల ముందుకి వచ్చిన టీజర్ ఆకట్టుకుంది. సాంగ్స్ కూడా మెప్పిస్తున్నారు. అనిరుద్ మ్యూజిక్ జవాన్ సినిమాకి సౌత్ మార్కెట్ లో బూస్ట్ ఇస్తోంది. ఈ చిత్రంతో షారుఖ్ ఖాన్ సౌత్ పై ఫోకస్ చేసినట్లు టాక్ వినిపిస్తోంది. హిందీతో సమానమైన మార్కెట్ సౌత్ లో ఉంది.

ఈ మార్కెట్ ని అందుకుంటే ఇక తన సినిమాలతో భారీ కలెక్షన్స్ కొల్లగొట్టడం ఈజీ అవుతుందని భావిస్తున్నారు. జవాన్ సినిమాకి పనిచేసిన మెయిన్ క్యాస్టింగ్ తో పాటు క్రూ కూడా కోలీవుడ్ కి చెందినవారే కావడంతో తమిళ్ లో కూడా ఈ సినిమాకి మంచి బిజినెస్ అయినట్లు తెలుస్తోంది. ఇక అత్లీ, అనిరుద్, నయనతార, విజయ్ సేతుపతికి తెలుగులో కూడా మంచి డిమాండ్ ఉంది.

దీనిని బట్టి తెలుగు, తమిళ్ సినిమా మార్కెట్ పై జవాన్ సినిమా చాలా హోప్స్ పెట్టుకుంది. పఠాన్ చిత్రం తెలుగులో మంచి వసూళ్లు సొంతం చేసుకుంది. దానిని జవాన్ సినిమాతో బ్రేక్ చేయడంతో పాటు భారీ కలెక్షన్స్ ని అందుకోగలుగుతుందని ట్రేడ్ పండితులు అంచనా వేస్తున్నారు.