20 ఏళ్ల‌కు 'ఖుషి' హిట్ పెయిర్ మ‌ళ్లీ రిపీట్

సౌతిండియాలో త‌లైవా (నాయ‌కుడు)గా పిలుపును అందుకున్నారు ర‌జ‌నీకాంత్. ఆయ‌న త‌ర్వాత లేడీ సూప‌ర్ స్టార్ న‌య‌న‌తారకు అంత‌టి గౌర‌వం ద‌క్కింది. `త‌లైవి` అంటూ త‌మిళ‌నాడు వ్యాప్తంగా ప్ర‌జలు న‌య‌న‌తారను పిలుచుకుంటున్నారు. న‌య‌న్ అసాధార‌ణ‌మైన న‌ట‌న కెరీర్ గ్రాఫ్ ఎదుగుద‌ల‌కు ద‌క్కిన గౌర‌వ‌మిది. ఇక న‌య‌న‌తార త‌ర్వాత నంబ‌ర్ 2 ఎవ‌రు? అంటే ..జ్యోతిక పేరు వినిపిస్తుంది. జ్యోతిక కోలీవుడ్ అగ్ర నాయిక‌గా ఏల్తున్న రోజుల్లోనే న‌టుడు సూర్య‌తో ప్రేమ‌లో ప‌డి అత‌డిని పెళ్లాడేసిన సంగ‌తి తెలిసిందే. పెళ్లి త‌ర్వాత కుటుంబ వ్య‌వ‌హారాలు చ‌క్క‌బుడుతూనే.. న‌ట‌న‌లో రాణిస్తూ.. నిర్మాత‌గాను జ్యోతిక త‌న‌దైన ముద్ర వేస్తున్నారు.

ఇప్ప‌టికీ జ్యోతిక కోసం క‌థ‌లు రాసే ద‌ర్శ‌క‌ర‌చ‌యిత‌లు ఉన్నారు. జ్యోతిక దక్షిణ భారత చలనచిత్ర పరిశ్రమలో తనదైన ముద్ర వేసిన మేటి నటి. ఇటీవ‌ల నాయికా ప్ర‌ధాన చిత్రాలలో న‌టించిన జ్యోతిక ఇప్పుడు ఓ క‌మ‌ర్షియ‌ల్ ఎంట‌ర్ టైన‌ర్ లో న‌టించ‌నుంద‌ని తెలిసింది. ప్రస్తుతం ఇల‌య‌దళపతి విజయ్‌తో కలిసి నటించబోతున్నట్లు తెలుస్తోంది. వెంకట్ ప్రభు ఈ చిత్రానికి ద‌ర్శ‌కుడు. విజ‌య్-జ్యోతిక హిట్ పెయిర్ గా కోలీవుడ్ లో పాపుల‌ర్. గ‌తంలో ఈ జంట ఖుషి- తిరుమలై లాంటి బ్లాక్ బ‌స్టర్ చిత్రాల్లో న‌టించారు.

తాజాగా వెంక‌ట్ ప్ర‌భు తెర‌కెక్కించ‌నున్న చిత్రంలో విజ‌య్ స‌ర‌స‌న ప్ర‌ధాన నాయిక‌గా క‌నిపిస్తుందా లేక ఇంకేదైనా కీల‌క పాత్ర‌లో క‌నిపిస్తుందా? అన్న‌దానికి స‌రైన క్లారిటీ రాలేదు. దాదాపు రెండు ద‌శాబ్ధాల త‌ర్వాత ఈ హిట్ పెయిర్ తెరపై మళ్లీ కలవడం అభిమానులను ఎగ్జ‌యిట్ చేసే విష‌య‌మే. అలాగే జ్యోతిక త‌దుప‌రి హిందీ చిత్ర‌సీమ‌లోను భారీ సినిమాలో న‌టించ‌నుంది. అజయ్ దేవగన్ -ఆర్ మాధవన్ ప్ర‌ధాన పాత్ర‌లు పోషించ‌నున్న ఈ చిత్రంలో జ్యోతిక కీల‌క పాత్ర‌ను పోషించ‌నుంద‌ని స‌మాచారం.