కాజల్ ఈ సినిమాతో బౌన్స్ బ్యాక్ అయ్యేనా

సౌత్ లో ఇండియా లో స్టార్ హీరోయిన్ గా తిరుగులేని ఇమేజ్ సొంతం చేసుకున్న అందాల భామ కాజల్ అగర్వాల్. లక్ష్మి కల్యాణం సినిమాతో హీరోయిన్ గా ఎంట్రీ ఇచ్చిన ఈ ముద్దుగుమ్మ తరువాత చందమామ సినిమాలో నటించింది. మూడో సినిమాగా వచ్చిన మగధీరతో కెరియర్ లో బ్లాక్ బస్టర్ హిట్ సొంతం చేసుకోవడమే కాకుండా స్టార్ హీరోయిన్ గా మారిపోయింది.

అక్కడి నుంచి వెనక్కి తిరిగి చూసుకునే అవకాశం లేకుండా వరుసగా యంగ్ హీరోలతో పాటుగా స్టార్స్ కి జోడీగా నటిస్తూ వచ్చింది. అల్లు అర్జున్, ప్రభాస్, సూపర్ స్టార్ మహేష్ బాబు, పవన్ కళ్యాణ్, ఎన్టీఆర్ లాంటి స్టార్స్ అందరితో కూడా కాజల్ అగర్వాల్ జత కట్టింది. అలాగే రవితేజ, రామ్ పోతినేని, నితిన్, రానా, బెల్లంకొండ శ్రీనివాస్ లాంటి యంగ్ టైర్ 2 హీరోలకి కూడా జోడీగా నటించింది. తెలుగు, తమిళ్ భాషలలో నెంబర్ వన్ హీరోయిన్ గా ఎదిగింది.

అడపాదడపా బాలీవుడ్ లో కూడా కూడా అజయ్ దేవగన్, అక్షయ్ కుమార్ లాంటి స్టార్స్ తో కాజల్ అగర్వాల్ నటించింది. అయితే సౌత్ లో లభించినంత సక్సెస్ హిందీ పరిశ్రమలో కాజల్ అగర్వాల్ కి దొరకలేదనే చెప్పాలి. 2020లో ఈ భామ తన బాయ్ ఫ్రెండ్ గౌతమ్ కిచ్లూని వివాహం చేసుకుంది. వీరికి ఇప్పుడు ఒక బాబు కూడా ఉన్నాడు.

పెళ్లి తర్వాత రెండేళ్ళు సినిమాలకి విరామం ఇచ్చిన కాజల్ అగర్వాల్ ఈ ఏడాది భగవంత్ కేసరితో ప్రేక్షకుల ముందుకి రాబోతోంది. ఇప్పటికే తమిళంలో ఒక సినిమా విడుదల అయ్యింది. ఆ మూవీ ఆశించిన స్థాయిలో సక్సెస్ కాలేదు. కమల్ హాసన్ ఇండియన్2లో కూడా ఓ కీలక పాత్రలో నటిస్తోంది. అలాగే హిందీలో ఉమ అనే ఫిమేల్ సెంట్రిక్ మూవీకి సైన్ చేసింది.

తెలుగులో కూడా సత్యభామ అనే ఫిమేల్ సెంట్రిక్ మూవీలో పోలీస్ ఆఫీసర్ రోల్ లో కనిపించబోతోంది. ఇప్పటికే ఈ మూవీ షూటింగ్ కూడా ప్రారంభం అయ్యింది. పెళ్లి తర్వాత కాజల్ అగర్వాల్ ఐదు సినిమాలతో ప్రేక్షకుల ముందుకి వచ్చిండ్. అయితే ఇవేమీ కాజల్ కి ఆశించిన స్థాయిలో సక్సెస్ ఇవ్వలేదని చెప్పాలి. మరి భగవంత్ కేసరితో తిరిగి పూర్వ వైభవం సొంతం చేసుకుంటుందా అనేది చూడాలి.