పూజా హెగ్డే కెరీర్‌ ఖతం అయినట్లేనా?
హాట్ బ్యూటీ పూజా హెగ్డే కెరీర్‌ ఒక్కసారిగా తల కిందులు అయినట్లుగా మారింది.
హాట్ బ్యూటీ పూజా హెగ్డే కెరీర్‌ ఒక్కసారిగా తల కిందులు అయినట్లుగా మారింది. ఒకానొక సమయంలో వరుస సినిమాలు చేసిన పూజా హెగ్డే ప్రస్తుతం చేతిలో సినిమాలు లేక దిక్కులు చూసే పరిస్థితి ఉందంటూ టాక్ వినిపిస్తోంది. ఆమె పుంజుకోవడం కోసం సాధ్యం అయినంత వరకు ప్రయత్నాలు చేస్తూనే ఉంది.
ఆ మధ్య మహేష్ బాబు గుంటూరు కారం సినిమాలో నటించే అవకాశం రావడంతో మళ్లీ ఆమె కచ్చితంగా వరుస సినిమాలు చేస్తుందనే అభిప్రాయం వ్యక్తం అయింది. కానీ గుంటూరు కారం నుండి ఆమె ని తొలగించడం తో బ్యాడ్ టైమ్‌ స్టార్ట్‌ అయినట్లుగా అనిపిస్తుంది. కేవలం ఆ ఒక్క సినిమాతోనే ఆగిపోకుండా పలు ఆఫర్లు చేతికి వచ్చి చేజారాయి అన్నట్లుగా టాక్ వినిపిస్తోంది.
హాట్ బ్యూటీ పూజా హెగ్డే ని ఆ మధ్య పవన్ కళ్యాణ్ సినిమా కోసం సంప్రదించారనే వార్తలు వచ్చాయి. కానీ ఆమె కాకుండా మరో హీరోయిన్ గా పవన్ కళ్యాణ్ సినిమా షూటింగ్‌ సాగుతుందని ఇండస్ట్రీ వర్గాల్లో టాక్ వినిపిస్తుంది. అంతే కాకుండా బాలీవుడ్‌ లో ఒకటి రెండు ఆఫర్లు వచ్చినట్లే వచ్చి కనిపించకుండా పోయాయి అంటూ ఆమె ఫ్యాన్స్ ఆవేదన వ్యక్తం చేస్తున్నారు.
పూజా హెగ్డే కెరీర్‌ మళ్లీ పుంజుకుంటుందా అంటూ కొందరు అనుమానం వ్యక్తం చేస్తూ ఉంటే మరి కొందరు మాత్రం ఆమె సోషల్ మీడియాలో అందాల ఆరబోత చేయడం ద్వారా పాపులారిటీ మరింత దక్కించుకోవడం ఖాయం. అప్పుడు హీరోయిన్ గా ఆఫర్లు దక్కించుకోవడం ఖాయం అన్నట్లుగా ఫ్యాన్స్ అభిప్రాయం వ్యక్తం చేస్తున్నారు.