న‌టికి విమానంలో వేధింపులు.. మైకంలో త‌ప్పుడు కూత‌లు..!

బిగ్ బాస్ OTT ఫేమ్.. న‌టి ఉర్ఫీ జావేద్ సంద‌డి గురించి తెలిసిందే. సోష‌ల్ మీడియాల్లో నిరంత‌రం వేడెక్కించే ఫోటోషూట్ల‌తో అగ్గి రాజేస్తున్న ఈ బ్యూటీ ఇటీవ‌ల పెద్ద తెర‌ న‌టిగా వెలిగిపోయేందుకు చేయ‌ని ప్ర‌య‌త్నం లేదు. నిరంత‌రం వివాదాల‌తో అంట‌కాగే ఉర్ఫీ ఇటీవల ముంబై నుంచి గోవాకు ఎకానమీ క్లాస్‌లో ప్రయాణిస్తున్నప్పుడు విమానంలో వేధింపులకు గురైన ఘ‌ట‌న హాట్ టాపిక్ గా మారింది. శుక్రవారం రాత్రి విమానంలో గోవాకు ప్రయాణిస్తున్నప్పుడు కొంతమంది కుర్రాళ్లు త‌న చుట్టూ చేరి అల్ల‌రిపెట్టారు. అందులో ఒకడు త‌న‌ని వేధించాడ‌ని త‌ప్పుడు కూతులు కూశాడ‌ని కూడా ఉర్ఫీ విమానాశ్ర‌య సిబ్బందికి ఫిర్యాదు చేసింది. అయితే వారిని ఎదుర్కోవడానికి ప్రయత్నించినప్పుడు అతని స్నేహితులు తాగి ఉన్నాడ‌ని ఉర్ఫీకి చెప్పారట‌.

``నిన్న ఒక విమానంలో ముంబై నుండి గోవాకు ప్రయాణిస్తున్నప్పుడు నేను వేధింపులకు గుర‌య్యాను. ఈ వీడియోలోని వ్యక్తులు అసహ్యకరమైన ఈవ్ టీజింగ్ చేశారు. నేను వారిని ఎదుర్కొన్నప్పుడు వారిలో ఒకరు తమ స్నేహితులు తాగి ఉన్నారని చెప్పారు. మద్యం తాగి మహిళలతో అసభ్యంగా ప్రవర్తించడం సబబు కాదు. నేను పబ్లిక్ ఫిగర్ నే కానీ పబ్లిక్ ప్రాపర్టీని కాదు క‌దా! అని ఉర్ఫీ రాశారు.

ఉర్ఫీ జావేద్ వివాదాల్లోకి రావ‌డం ఇదే తొలిసారి కాదు. త‌న‌పై నెటిజ‌నులు అసహ్యకరమైన వ్యాఖ్యలు చేయడం ఇదే మొదటిసారి కాదు. ఆమె బోల్డ్ ఫ్యాషన్ ఎంపికలను తీవ్రంగా విమ‌ర్శిస్తూ తిట్టేవాళ్లున్నారు. ఈ నెల ప్రారంభంలో ప‌రిశ్ర‌మ వ్య‌క్తులు త‌న‌ను ఎందుక‌నో గౌరవించరని.. త‌న‌తో కలిసి పనిచేయాల‌నుకోవ‌డం లేద‌ని ఉర్ఫీ తెలిపారు. BBC వరల్డ్‌కి ఇచ్చిన ఇంటర్వ్యూలో ఉర్ఫీ ఇలా అన్నారు, “నేను ప్రజాదరణ పొందాను? అవును... డ‌బ్బు కీర్తి వ‌చ్చాయి. కానీ ప‌ని లేదు. ప‌రిశ్ర‌మ‌ ప్రజలు నన్ను గౌరవించరు. ఇక్క‌డ వ్య‌క్తులు నాతో కలిసి పనిచేయడానికి ఇష్టపడరు`` అని వ్యాఖ్యానించారు. శ్ర‌ద్ధ‌గా ప్ర‌య‌త్నిస్తున్నాను.. అందుకే అలాంటి దుస్తులు ధ‌రిస్తున్నాన‌ని కూడా బ‌హిరంగంగా ఊర్వ‌శి వెల్ల‌డించింది. ట్రోల‌ర్ల‌ను ఉద్దేశించి మాట్లాడుతూ..ఇలాంటి చెడు పనులు తనను కూడా కలవరపెడతాయ‌ని వెల్లడించింది. నేను మనిషిని కాబట్టి కలత చెందుతాను. కానీ అప్పుడు నేను కలత చెందడం 5-10 నిమిషాల వరకే.. వారంతా బహుశా చాలా అగ్లీగా ఉన్నారని.. నేను చాలా అందంగా ఉన్నాన‌ని చెప్ప‌గ‌ల‌ను`` అని వ్యాఖ్యానించింది.

కెరీర్ మ్యాట‌ర్ కి వ‌స్తే.. ఉర్ఫీ జావేద్ ఏక్తా కపూర్ `లవ్, సెక్స్ ఔర్ దోఖా 2`తో బాలీవుడ్‌లోకి అడుగుపెట్టే అవకాశం ఉంది. అయితే మేకర్స్ ఇప్పటికి ఈ విషయంలో అధికారిక ధృవీకరణను ఇవ్వలేదు. ప్ర‌స్తుతానికి ప‌లు టీవీ షోల‌తో ఉర్ఫీ బిజీగా ఉంది.