ఆమెతో రొమాన్స్ చేయాలనీ ఉంది

బాలీవుడ్ లో టాప్ హీరోల్లో ఒకరు మిస్టర్ పర్ఫెక్ట్ అమిర్ ఖాన్. ఆయన నటన ఏ స్థాయిలో ఉంటుందో ప్రత్యేకంగా చెప్పనక్కర్లేదు. కథ నచ్చితే ఎలాంటివారితో అయినా సినిమాను చేస్తారు. బడ్జెట్ విషయాన్ని పట్టించుకోరు. అవసరమైతే తానే నిర్మాతగా మారి సినిమాలను నిర్మిస్తారు. బాలీవుడ్ లో ఎంతో మంది బడా హీరోలు ఉన్న కూడా ఆయనకు ఎవ్వరు సాటి రారనే చెప్పాలి. అలాగే ఇమేజ్ ను పక్కన పెట్టి పాత్ర కోసం ఎలాంటి సాహసాలకైనా సిద్ధం అయ్యేవారు అమిర్ ఖాన్ ఒక్కరే అని చెప్పాలి.   

ప్రస్తుతం అమిర్ సీక్రెట్ సూపర్ స్టార్ అనే సినిమాను చేస్తున్నారు. ఈ సందర్బంగా మీడియాతో మాట్లాడారు. ఈ సినిమాలో మ్యూజిక్ డైరెక్టర్ గా కనిపించబోతున్నాని చెబుతూ.. క్యారెక్టర్ సరికొత్తగా ఉంటుందన్నారు. అలాగే ఆ తర్వాత తీయబోయే 'థగ్స్‌ ఆఫ్‌ హిందూస్తాన్‌’ లో కూడా వినూత్నమైన పాత్ర అని వివరించారు. అయితే రొమాన్స్ సినిమాలు చేస్తారా అని అడిగితే.. నాకు ఒకరితో చేయాలనీ ఉంది. కానీ ఆమె ఒప్పుకోవడం లేదని చెప్పారు. ఆమె ఎవరో కాదు నా వైఫ్ కిరణ్ రావ్ అని అమిర్ నవ్వుతు సమాధానాన్ని ఇచ్చారు. కిరిణ్ ఒక మంచి యాక్టర్ అని తెలిపిన అమిర్ ఆమె ఛాన్స్ ఇస్తే తప్పకుండా ఒక మంచి రొమాన్స్ సినిమాలో చేస్తానని చెప్పి అందరిని నవ్వించారు.

ఇక తెలుగులో నుంచి కూడా ఒక మంచి కథ తన కోసం తప్పకుండా వస్తుందనే నమ్మకం తనకు ఉందని ఆశాభావం వ్యక్తం చేశాడు. ఆ కథ వచ్చినప్పుడు సినిమాను చేస్తానని వివరించాడు. ప్రస్తుతం అమిర్ సరికొత్త లుక్ లో కనిపిస్తున్నాడు. విజయ్‌ కృష్ణ ఆచార్య దర్శకత్వంలో తెరకెక్కుతున్న ‘థగ్స్‌ ఆఫ్‌ హిందూస్తాన్‌’  సినిమాలోని గెటప్ కోసం అమిర్ ముక్కుపుడక  చేవులకి రింగులను వేసుకున్నారు. ఎక్కడికి వెళ్లినా అదే స్టైల్ లో దర్శనం ఇస్తూ అందరిని ఆకట్టుకుంటున్నారు.