గుళ్ళో పెళ్లి చేసుకున్న హీరొయిన్

తనను కిడ్నాప్ చేసి లైంగికంగా వేధించారు అని పబ్లిక్ గా మీడియా ముందే బహిర్గతపరిచి మలయాళ హీరో దిలీప్ జైలుకు వెళ్ళేదాకా తెచ్చిన హీరొయిన్ భావన పెళ్లి చేసేసుకుంది. గత ఏడాది నిశ్చితార్థం చేసుకున్న కన్నడ నిర్మాత నవీన్ కు, భావనకు త్రిసూర్ లోని ఓ దేవాలయంలో వంద మంది పోలీస్ సెక్యూరిటీ మధ్య నిరాడంబరంగా పెళ్లి జరిగింది. అభిమానుల నుంచి ఏదైనా తాకిడి, ముప్పు లాంటి ప్రమాదాన్ని ఊహించిన ప్రభుత్వం అందుకు తగ్గట్టు గట్టి సెక్యూరిటీ ఏర్పాట్లు చేసింది. కేరళ హిందూ సంప్రదాయం ప్రకారం పెళ్లి చేసుకున్న భావన జంట స్థానికంగా ఉన్న ఆడిటోరియంలో పెళ్ళికి వచ్చిన అతిధులకు విందు ఇచ్చారు. అదే సాయంత్రం ఇండస్ట్రీ మిత్రులకు. కుటుంబ స్నేహితులకు లులు కన్వెన్షన్ సెంటర్ లో మరో గ్రాండ్ రిసెప్షన్ ఇవ్వనున్నారు. గత సంవత్సరమే పెళ్లి చేసుకోవాలి అనుకున్నప్పటికీ వివాదం ఇంకా పూర్తిగా చల్లారకపోవడంతో వాయిదా వేసుకున్న భావన చివరికి మిసెస్ అయ్యింది.

తెలుగు సినిమాలు కూడా కొన్ని చేసిన భావన కృష్ణ వంశీ మహాత్మా లో శ్రీకాంత్ సరసన చెప్పుకోదగ్గ పాత్ర చేసింది కాని అది ఆశించినంత ఫలితం ఇవ్వకపోవడంతో కన్నడ వైపు వెళ్లిపోయింది. అక్కడి అగ్ర హీరోలదరి సరసన సినిమాలు చేసిన భావన తమిళ్ లో సైతం అజిత్ లాంటి హీరోలతో చెప్పుకోదగిన సినిమాలు అక్కడ కూడా చేసింది. స్వతహాగా మలయాళీ అయిన భావనకు ఈ రెండు బాషల్లోనే ఎక్కువ గుర్తింపు వచ్చింది. కిడ్నాప్ - లైంగిక వేధింపు గురించి బాహాటంగా చెప్పి నిందితులు కోర్ట్ దాకా వచ్చేలా చేసిన భావన అప్పటి నుంచి బయట కనిపించడం మానేసింది. మళ్ళి ఇప్పుడు పెళ్లితో వార్తల్లోకి వచ్చింది.

 భావన తండ్రి గత ఏడాది స్వర్గస్తులయ్యారు. అందువల్ల బాగా డిస్టర్బ్ అయిన భావన కొంత కాలం వేరే ఆలోచన చేయలేదు. ఇప్పుడు అన్ని క్లియర్ కావడంతో ఫైనల్ గా పెళ్లికి పచ్చ జెండా ఊపింది. భావన వయసు 31 సంవత్సరాలు. తనకు 16 ఏళ్ళు ఉన్నప్పుడే ఇండస్ట్రీలోకి అడుగు పెట్టిన భావన స్టార్ హీరొయిన్ గా పేరు తెచ్చుకోవడానికి ఎనిమిదేళ్ళు కష్టపడింది.