మరోసారి టాలీవుడ్ బ్యూటీకి బాలీవుడ్ కాలింగ్

మిల్కీ బ్యూటీ తమన్నా ఫేడ్ అవుట్ అయిందనే వార్తలు గత కొన్నేళ్ళుగా వస్తూనే ఉన్నాయి. కానీ ఆ వార్తలు వచ్చిన ప్రతిసారి కొత్త ప్రాజెక్టులు.. క్రేజీ సినిమాలకు సైన్ చేసి అందరినీ ఆశ్చర్యపరుస్తుంది.  జనవరికి ముందు తమన్నాకు వరస ఫెయిల్యూర్లు. కానీ 'F2' తో బ్లాక్ బస్టర్ సాధించి హిట్ ట్రాక్ లోకి వచ్చింది. ప్రస్తుతం చేతిలో ఫుల్లుగా ఆఫర్లు ఉన్నాయి.  తాజాగా మరో క్రేజీ బాలీవుడ్ ఆఫర్ వచ్చిందట.

బాలీవుడ్ లో ఉన్న అద్భుతమైన నటుల్లో నవాజుద్ధీన్ సిద్ధిఖి ఒకరు.  నవాజ్ హీరోగా తెరకెక్కనున్న 'బోలె చూడియా' సినిమాలో హీరోయిన్ గా తమన్నాను తీసుకున్నారట.  ఈ సినిమా ఒక రొమాంటిక్ డ్రామాగా తెరకెక్కనుందని సమాచారం.  ఈ సినిమాలో హీరోయిన్ గా మొదట మౌని రాయ్ ను ఎంపిక చేశారట. కానీ చివరి నిముషంలో మౌని రాయ్ ఈ ప్రాజెక్టునుండి తప్పుకుందని.. అందుకే ఆమె స్థానంలో మిల్కీ బ్యూటీకి అవకాశం దక్కిందని సమాచారం.   మిల్కీ ఇప్పటికే కొన్ని బాలీవుడ్ సినిమాల్లో నటించింది కానీ బ్రేక్ మాత్రం రాలేదు.  మరి ఈ సినిమాతో అయినా తను ఆశిస్తున్న బ్రేక్ లభిస్తుందేమో వేచి చూడాలి.

ఈ సినిమా ఆఫర్ పై స్పందిస్తూ తమన్నా ఇలాంటి మల్టి లేయర్స్ ఉన్న పాత్రను పోషించడం తనకు మొదటిసారి అని.. ఈ సినిమా కథ సమాజం ప్రస్తుతం ఎదుర్కొంటున్న ఒక సమస్యపై ఉంటుందని తెలిపింది. ఈ సినిమాతో నవాజుద్ధీన్ సిద్దిఖి సోదరుడు షమాస్ నవాబ్ సిద్దిఖి దర్శకుడిగా బాలీవుడ్ ఎంట్రీ ఇస్తున్నాడు.  ఈ చిత్రంలో ప్రముఖ దర్శకుడు అనురాగ్ కశ్యప్ ఒక కీలకమైన పాత్రలో నటిస్తున్నారట.