ప్ర‌భాస్, చ‌ర‌ణ్‌, తార‌క్ ని మించి మ‌హేష్ శ్ర‌మించాల్సిందే!

ద‌ర్శ‌క దిగ్గ‌జం రాజ‌మౌళి తో పాన్ ఇండియా సినిమా అంటే ఎలా ఉంటుందో? ఆయ‌న‌తో ప‌నిచేసిన వాళ్ల‌కు బాగా తెలుసు. బాహుబ‌లితో ప్ర‌భాస్, రానా, ఆర్ ఆర్ ఆర్ తో రామ్ చ‌ర‌ణ్‌, ఎన్టీఆర్ లు ఆయ‌న‌తో ఎక్స్ పీరియ‌న్స్ చేసారు. ఆ ముగ్గురు కామ‌న్ గా చెప్పింది ఒక్క‌టే మాట‌. ఆయ‌న‌తో షూట్ అంటే మామూలుగా ఉండ‌ద‌ని. ఆయ‌న సినిమా పాత్ర‌లో ప‌ర‌కాయ ప్ర‌వేశం చేయాలంటే? అందుకు చేయాల్సిన వ‌ర్కౌట్లు..తీసుకోవాల్సిన జాగ్ర‌త్త‌లు..సెట్స్ కి వెళ్లిన త‌ర్వాత ప‌నిత‌నం ఇలా ప్ర‌తీది ఎంతో క‌ష్ట‌త‌రంగా ఉంటుంది.

అలిసిపోయాం విశ్రాంతి తీసుకుందాం? అన్నా స‌రే జ‌క్క‌న్న నో ఛాన్స్ అంటూ ప‌నిచేయిస్తారు. అందులో ఎలాంటి డౌట్ లేదు. ఆయ‌న‌లాగే న‌టులు కూడా అంకిత భావంతో పనిచేయాల్సిందేనని మెండేకి కూర్చునూ మొండి ఘ‌టం. అందుకే పాన్ ఇండియాలో అంత‌టి గొప్ప విజ‌యాలు న‌మోదు చేస్తున్నాయి అన్న‌ది కాద‌న‌లేని నిజం. ఇప్పుడా ట‌ర్న్ సూప‌ర్ స్టార్ మ‌హేష్ కి వ‌చ్చింది. ఇద్ద‌రి కాంబినేష‌న్ లో ఓ సినిమా తెర‌కెక్కుతున్న సంగ‌తి తెలిసిందే.

ఇప్ప‌టికే మ‌హేష్ ఆఫ్రిక‌న్ అడ‌వుల్లో మ‌సాయి తెగ మ‌ధ్య అవ‌స‌ర‌మైన శిక్ష‌ణ తీసుకున్న‌ట్లు ప్ర‌చారంలో ఉంది. తాజాగా రాజ‌మౌళి లొకేష‌న్ వేట‌లో భాగంగా కెన్యా ట్రిప్ లో ఉన్న సంగ‌తి తెలిసిందే. అక్క‌డ లొకేష‌న్లు చూస్తే? షూటింగ్ చేయ‌డం కూడా ఎంత ట‌ఫ్ గా ఉంటుంద‌న్న‌ది బొమ్మ క‌నిపిస్తుంది. భ‌గ భ‌గ మండే మండుటెండ‌లో? ఓపెన్ ఏరియాలో ఎలాంటి సెక్యురిటీ లేని ప్రాంతాన్ని జ‌క్క‌న్న జీప్ మీద ప‌రిశీలించారు. స్టోరీలో భాగంగా కెన్యా లొకేష‌న్ డిమాండ్ చేసిందో? ఏమోగానీ అక్క‌డ సెర్చ్ చేయ‌డం ఆస‌క్తిక‌రంగా మారింది.

ఇది శాంపిల్ మాత్రమే. ఇంకా ఇలాంటి లొకేష‌న్లు ఎన్నో ఉంటాయి. వాట‌న్నింటిలోనూ మ‌హేష్ జాయిన్ అవ్వాల్సి ఉంటుంది. ఇలాంటి లొకేష‌న్ల‌లో షూటింగ్ అంటూ ప్ర‌ధాన నటీన‌టుల‌పైనే ఉంటుంది. ఆ లెక్క‌న చూస్తే ప్ర‌భాస్, రానా, రామ్ చ‌ర‌ణ్‌, ఎన్టీఆర్ కంటే రెండింత‌లు ఎక్కువ‌గా మ‌హేష్ శ్ర‌మించాల్సి ఉంటుంది. పాన్ ఇండియాని దాటి పాన్ వ‌ర‌ల్డ్ నే ఈసారి జ‌క్క‌న్న టార్గెట్ చేసారు కాబ‌ట్టి? అందుకు త‌గ్గ‌ట్టే మ‌హేష్ అన్ని రకాలుగా రాటు దేలాల్సి ఉంటుంది.