హిందీ మూవీ కోసం తెలుగు నేర్చుకుంటోందట

హీరోయిన్ ఆదాశర్మ.. టాలీవుడ్ లో ఎంట్రీ ఇచ్చి రెండేళ్లు దాటిపోయింది. ఇప్పటివరకూ తెలుగులో డబ్బింగ్ చెప్పడం పక్కన పెడితే..  మాట్లాడేందుకు కూడా ఎప్పడూ ట్రై చేసినట్లుగా కనిపించలేదు. కానీ ఇప్పుడు తెలుగు నేర్చేసుకుంటోంది ఆదా. ఇదంతా ఓ హిందీ సినిమా కోసం కావడం మరీ విచిత్రం.

బాలీవుడ్ లో కమాండో2  చేస్తోంది ఆదా శర్మ. 'ఈ సినిమాలో నేను విజయవాడ నుంచి  వచ్చిన ఓ తెలుగు అమ్మాయిగా నటిస్తున్నాను. నేను హైద్రాబాద్ స్లాంగ్ తో తెలుగు మాట్లాడ్డం అందరికీ డిఫరెంట్ గా అనిపించడం ఖాయం' అంటున్న ఆదా శర్మ.. 'తెలుగు సినిమాల్లో నాకు వేరే వాళ్లు డబ్బింగ్ చెప్పినా.. నేను తెలుగు డైలాగులను పూర్తిగా నేర్చుకుంటాను. ఓ ఏడాదిన్నరగా హైద్రాబాద్ లో ఉండడంతో.. నా చుట్టుపక్కల ఉన్నవాళ్లు మాట్లాడే తెలుగును అబ్జర్వ్ చేసి నేర్చుకుంటూ ఉంటాను. అయితే నా వాయిత్ డబ్బింగ్ చెప్పడం మాత్రం కమాండో2కి మాత్రమే' అంటూ సంతోషపడిపోతోంది.

ఇప్పుడు ఓ ట్యూటర్ ని పెట్టుకుని మరీ తెలుగు నేర్చుకుంటున్న ఆదా.. ఎలాంటి తప్పులు లేకుండా.. స్లాంగ్ కూడా తేడా రాకుండా తెలుగు మాట్లాడేస్తానని కాన్ఫిడెంట్ గా చెప్పేస్తోంది. హిందీ సినిమాలో వినిపించే ఈ తెలుగు కానీ క్లిక్ అయిందంటే.. ఇక తెలుగు సినిమాల్లో అమ్మడి సౌండింగ్ వినేయచ్చు.

Like Us on Facebook : https://www.facebook.com/Tupakidotcom/