లాంఛింగ్ హీరోల్లో అఖిల్ దే రికార్డ్

అక్కినేని అఖిల్ హీరోగా నటించిన  తొలి చిత్రం అఖిల్.. తొలిరోజే రికార్డులు మోత మోగించింది. ఇప్పటివరకూ స్టార్ హీరోల తొలి సినిమా రికార్డులను తుడిచేశాడు అఖిల్. తొలిరోజు తెలుగు రాష్ట్రాల్లో 7.57కోట్ల నుండి 8.11 కోట్ల మధ్యలో షేర్‌ వసూలు చేసినట్లు తెలుస్తోంది. ఇంటర్నేషనల్ కలెక్షన్స్ యాడ్ చేస్తే... ఈ అంకె మరింతగా పెరిగి.. షుమారు 9.8 కోట్ల వరల్డ్‌ వైడ్‌ షేర్‌ అవుతుందని ట్రేడ్‌ వర్గాలు చెబుతున్నాయి.

అయితే.. ఇది అంచనాలకు తగ్గ అంకె కాదనే మాట వినిపిస్తోంది. సాధారణంగా స్టార్ హీరోల సినిమాలకు టాక్‌ తో సంబంధం లేకుండా మొదటి రోజు కలక్షన్లు రికార్డులు నెలకొల్పుతూ ఉంటాయి. అందుకే ఆగడు - బ్రూస్‌ లీ వంటి సినిమాల పేరిట మీరు కొన్ని టాప్‌ 5 నంబర్లు చూసినా ఆశ్చర్యపోవక్కర్లేదు. అది ఆ హీరోల స్టామినా. మరి తొలి సినిమాతోనే అలాంటి స్టామినా తెచ్చుకున్న హీరో అక్కినేని అఖిల్‌. అందుకే ఎక్కడలేని క్రేజ్‌ డెవలప్‌ అయిపోయింది. కానీ.. ప్లాన్ గా దీపావళి పండక్కి రిలీజ్ చేయడం దెబ్బ కొట్టింది.

ఈ పండగకు ఎంటర్టెయిన్ మెంట్ కంటే.. పిల్లలతో కలిసి ఎంజాయ్ మెంట్ చేసేందుకే ఎక్కువ ఇంపార్టెన్స్ ఇస్తారు జనాలు. దీంతో ఫస్ట్ షో - సెకండ్ షోలకు అంతగా కలెక్షన్స్ రాలేదు. దీంతో వసూళ్లు అనుకున్న స్థాయిలో రాలేదు. అయితే.. పోటీ లేకపోవడంతో.. వీకెండ్ దాటే వరకూ సత్తా చాటే అవకాశం ఉండడంతో.. వసూళ్లు ఊపందుకుంటాయని అంటున్నారు యూనిట్. అక్కినేని నేటి తరం వారసుడిని చూసేందుకు ఫ్యాన్స్ కూడా ఉత్సాహంగానే ఉన్నారు.